L-Iżvezja
Nota: ir-residenti tal-pajjiżi Nordiċi l-oħrajn (id-Danimarka, il-Finlandja, l-Iżlanda u n-Norveġja) iridu sempliċiment juru karta tal-identità valida biex juru l-eliġibbiltà għall-kura tas-saħħa fl-Iżvezja.
Emerġenza
- Ċempel il-112
- Il-1177, is-servizz nazzjonali għall-pariri dwar il-kura tas-saħħa:
- online jew bit-telefown
- 24 siegħa kuljum, 365 jum fis-sena.
- Fuq il-1177, ikun hemm infermieri li jwieġbu l-mistoqsijiet, jiddeċiedu jekk hemmx bżonn ta' aktar kura, joffru pariri u/jew jirrikmandaw għajnuna oħra tal-kura tas-saħħa.
- Il-1177 joffri servizz bl-Ingliż.
- Telefown: 1177
- Sit web: www.1177.se, informazzjoni disponibbli b'diversi lingwi.
Kura, kopertura u spejjeż
Tobba
Il-Karta Ewropea tal-Assigurazzjoni tas-Saħħa tintitolak għall-kura fi kwalunkwe istituzzjoni tal-kura tas-saħħa pubblika.
- Għandek tikkonsulta tabib affiljat mal-iskema tal-assigurazzjoni pubblika.
- Ikollok bżonn tippreżenta Karta Ewropea tal-Assigurazzjoni tas-Saħħa valida u passaport jew ID nazzjonali valida.
- Meta jkollok EHIC valida, int intitolat tħallas tariffa ssussidjata għal kura medikament neċessarja bl-istess mod bħar-residenti tal-Iżvezja. It-tariffi jistgħu jvarjaw u m’hemmx rimborż għalihom.
- Il-pazjenti ta' taħt l-20 sena jieħdu l-kura b'xejn fil-biċċa l-kbira tal-każi.
- Mingħajr il-karta, ikollok tħallas it-tariffa tal-kura kollha kemm hi.
Il-kura tas-saħħa privata ġeneralment mhix koperta bil-karta, iżda f'ċerti każi t-tobba privati jkunu affiljati mal-iskema tal-assigurazzjoni pubblika u jaċċettaw il-Karta Ewropea tal-Assigurazzjoni tas-Saħħa Qabel tmur għand it-tabib jew l-isptar kun ċert li jaċċettaw il-karta ħalli tevita spejjeż mhux ippjanati.
Dentisti
Il-biċċa l-kbira tad-dentisti jistgħu jipprovdu kura taħt l-iskema pubblika tal-kura tas-snien.
- Meta jkollok EHIC valida tħallas il-prezz sħiħ sa 3,000 SEK. Minn 3,001 SEK sa 15,000 SEK tħallas 50% mill-prezz u 'l fuq minn 15,001 SEK tħallas 15% mill-prezz.
- Il-pazjenti taħt l-24 sena jingħataw kura bla ħlas.
- Għal aktar informazzjoni, jekk jogħġbok ikkuntattja lill-Aġenzija tal-Assigurazzjoni Soċjali Żvediża (Försäkringskassan) tel:+46 771 524 524.
Kura fi sptar
- Il-kura in-patient ġeneralment tkun bla ħlas, ħlief għal tariffa standard ta' kuljum li m’hemmx rimborż għaliha.
- Għal kura out-patient ikollok tħallas tariffa ssussidjata. It-tariffi jistgħu jvarjaw u m’hemmx rimborż għalihom.
- Il-kura mingħand speċjalist trid titħallas.
Riċetti tat-tabib
- Ikollok bżonn tippreżenta Karta Ewropea tal-Assigurazzjoni tas-Saħħa valida fl-ispiżerija biex tħallas bil-prezz issussidjat.
- It-tariffi jistgħu jvarjaw.
Ambulanza
- Is-servizz tal-ambulanza hu bla ħlas fil-maġġoranza tal-postijiet.
Ambulanza bl-ajru
- Is-servizz tal-ambulanza bl-ajru hu bla ħlas fil-maġġoranza tal-postijiet.
Rimborż
- M’hemmx sistema ta' rimborż fl-Iżvezja.
- Bil-Karta Ewropea tal-Assigurazzjoni tas-Saħħa tiegħek għandu jkollok tħallas biss it-tariffa standard tal-pazjenti. Din ma tiġix rimborżata.
- Jekk ikollok tħallas għall-kura, ikkuntattja lill-fornitur tal-assigurazzjoni tas-saħħa tiegħek meta tirritorna f'pajjiżek biex titlob rimborż.
Kontribuzzjoni tal-pazjent
- Il-livell ta' kopagament ivarja minn 100 sa 300 SEK jekk tara tabib tal-familja. Il-livell ta' kopagament hu ftit ogħla jekk tara tabib speċjalist, minn 100 sa 400 SEK. Dawn il-kopagamenti huma biss għal kura tas-saħħa primarja li ma jinvolvux sptar.
- Għal dawk il-pazjenti li għandhom bżonn kura tas-saħħa aktar spiss hemm limitu tal-prezz, jiġifieri ħadd m'għandu jħallas aktar minn 1,300 SEK fis-sena.
- Hemm livell massimu ta' kopagament għal kura tas-saħħa fi sptar: 110 SEK kuljum.
- Il-kura tas-saħħa għal individwi taħt l-20 sena hi bla ħlas fil-biċċa l-kbira tal-muniċipalitajiet u reġjuni.
- Il-kura tal-maternità hi dejjem bla ħlas.
- F'xi muniċipalitajiet u reġjuni trid tħallas tariffa anqas għas-servizz tal-ambulanza u tal-helicopter.
Dijaliżi, ossiġenu u kimoterapija
Irid ikollok riferiment biex tieħu d-dijaliżi, l-ossiġenu u l-kimoterapija.Kif napplika għal EHIC?
Tista’ tordna l-karta:
- Bit-telefown:
- Billi żżur wieħed mill-uffiċċji tal-Aġenzija Żvediża tal-Assigurazzjoni Soċjali (sib uffiċċju hawnhekk)
- Billi tuża s-servizz elettroniku tal-Aġenzija tal-Assigurazzjoni Soċjali Żvediża (jekk jogħġbok innota li din l-għażla hi disponibbli bl-Iżvediż biss)
Tista’ taqra aktar dwar l-EHIC u kif tapplika għaliha hawnhekk.
Fejn jaċċettaw l-EHIC
- M’hemm ebda bażi ta’ data ċentrali pubblika ġenerali tat-tobba u l-isptarijiet fl-Iżvezja li jaċċettaw l-EHIC.
- Il-pazjenti jistgħu jikkuntattjaw il-1177, is-servizz nazzjonali għall-pariri dwar il-kura tas-saħħa, biex jiksbu informazzjoni dwar il-fornituri lokali tal-kura tas-saħħa li jaċċettaw l-EHIC.
Kard mitlufa jew misruqa
Kuntatti għal min għandu EHIC li nħarġet fl-Iżvezja
Aġenzija Svediża tal-assigurazzjoni soċjali,, Försäkringskassan
Tel: +46 771 524 524 (servizz tal-konsumatur)