Illum inħabbru l-finalisti għall-edizzjoni tal-2017 tal-Premjijiet RegioStars, il-kompetizzjoni annwali li tonora l-proġetti reġjonali li huma l-aktar ta' ispirazzjoni u innovattivi fl-Ewropa, appoġġata mill-Fondi tal-Politika ta' Koeżjoni tal-UE. Ġurija indipendenti, immexxija mill-MPE Lambert van Nistelrooij, għażlet 24 finalist minn 103 entrati fuq il-bażi ta' erba' kriterji: l-innovazzjoni, l-impatt, is-sostenibbiltà u s-sħubija. L-24 finalist magħżula ġejjin minn reġjuni
- 03 July 2017
Illum inħabbru l-finalisti għall-edizzjoni tal-2017 tal-Premjijiet RegioStars, il-kompetizzjoni annwali li tonora l-proġetti reġjonali li huma l-aktar ta' ispirazzjoni u innovattivi fl-Ewropa, appoġġata mill-Fondi tal-Politika ta' Koeżjoni tal-UE.
Ġurija indipendenti, immexxija mill-MPE Lambert van Nistelrooij, għażlet 24 finalist minn 103 entrati fuq il-bażi ta' erba' kriterji: l-innovazzjoni, l-impatt, is-sostenibbiltà u s-sħubija.
L-24 finalist magħżula ġejjin minn reġjuni u bliet fl-20 Stat Membru u pajjiż ġar wieħed. L-Awstrija, il-Belġju, il-Bulgarija, il-Kroazja, id-Danimarka, l-Estonja, il-Finlandja, Franza, il-Ġermanja, l-Irlanda, l-Italja, il-Latvja, il-Litwanja, in-Netherlands, il-Polonja, il-Portugall, is-Slovenja, Spanja, l-Iżvezja, it-Turkija u r-Renju Unit. Ħafna mill-finalisti qed jindirizzaw sfidi komuni permezz tal-kooperazzjoni minn naħa għal oħra tal-fruntieri.
Il-ħames kategoriji huma:
- 1 Speċjalizzazzjoni Intelliġenti għall-innovazzjoni tal-SMEs
- 2 Unjoni tal-Enerġija: Tibdil fil-Klima
- 3 it-tisħiħ tal-pożizzjoni tan-nisa u l-parteċipazzjoni attiva
- 4 Edukazzjoni u Taħriġ
- 5 CityStar: Bliet fi tranżizzjoni diġitali.
Ir-rebbieħa se jitħabbru nhar it-Tlieta 10 ta' Ottubru fi Brussell, waqt iċ-Ċerimonja tal-Premjijiet Regiostars. Iktar informazzjoni