Erasmus+

Eolas

Deiseanna

Ní do mhic léinn amháin a chuireann clár Erasmus+ (a mhairfidh go dtí 2020) deiseanna ar fáil. Is cumasc é de sheacht gclár a bhíodh ann cheana, agus tá deiseanna ann do raon leathan daoine aonair agus eagraíochtaí.

Tá eolas mionsonraithe faoi na deiseanna seo, eolas ar na critéir incháilitheachta san áireamh, le fáil sa Treoirleabhar do Chlár Erasmus+. Tá treoir faoi mhéideanna samplacha maoiniúcháin ar fáil freisin i dtaca le roinnt de na gníomhaíochtaí láraithe.

Bileog fíricí Erasmus+ le fáil anseo

Daoine Aonair

Tá deiseanna ar fáil do dhaoine de gach aois faoi Erasmus+, deiseanna a chuideoidh leo eolas agus taithí a shealbhú agus a roinnt le chéile in institiúidí agus in eagraíochtaí i dtíortha difriúla.

Deiseanna do dhaoine aonair

Eagraíochtaí

Tá deiseanna ar fáil faoi Erasmus+ do réimse leathan eagraíochtaí, ina measc ollscoileanna, soláthraithe oideachais agus oiliúna, meithleacha machnaimh, eagraíochtaí taighde agus gnólachtaí príobháideacha.

Deiseanna d'eagraíochtaí

 

Aidhmeanna

Is éard is aidhm le Erasmus+ cuidiú leis an Straitéis Eoraip 2020 d'fhás, jabanna, comhionannas sóisialta agus cuimsiú sóisialta chomh maith le cuidiú le haidhmeanna ET2020, creat straitéiseach an Aontais don oideachas agus oiliúint.

Féachann Erasmus+ freisin le forbairt inbhuanaithe a chomhpháirtithe a chur chun cinn i réimse an ardoideachais, agus cuidiú leis na cuspóirí i Straitéis an Aontais Eorpaigh i leith na hÓige a bhaint amach.

I measc na saincheisteanna a ndéileálann an clár leo tá:

Torthaí

Tá torthaí Erasmus+ ar fáil i dtuarascálacha agus i gcnuasaigh staitisticí, agus trí Ardán na dTionscadal Erasmus+, lena n-áirítear formhór na dtionscnamh atá maoinithe ag an gclár, chomh maith le rogha dea-chleachtas agus scéalta ratha.

Staitisticí

Tá staitisticí maidir le Erasmus+ ar fáil ar leathanach na staitisticí.

Tá eolas maidir leis an dul chun cinn i dtreo thagarmharcanna ET2020 ar fáil ón Monatóir ar Oideachas agus ar Oiliúint.

Féadtar an dul chun cinn i dtreo thagarmharcanna ET2020 a fheiceáil freisin trí shraith de mhapaí idirghníomhacha.

Sa tslí chéanna, féadtar eolas faoi staid na ndaoine óga san Eoraip a aimsiú i Monatóir na hÓige.

Tuarascálacha

Tá Clár Erasmus+ le cur faoi athbhreithniú meántéarmach, atá le cur i gcrích in 2017, agus déanfar staidéar tionchair air, atá le foilsiú i ndiaidh don chlár teacht chun deiridh in 2020.

Nuair a tháinig deireadh le clár Erasmus, foilsíodh in 2014 staidéar tionchair inar leagadh béim ar thorthaí an chláir

Cé atá i dteideal páirt a ghlacadh ann?

Tá cuid mhaith daoine aonair agus eagraíochtaí i dteideal páirt a ghlacadh in Erasmus+, cé go ndeifríonn na critéir incháilitheachta de réir na gníomhaíochta nó na tíre atá i gceist.

Is féidir le daoine aonair a bheith páirteach i gcuid mhaith de na deiseanna a bhíonn á maoiniú ag Erasmus+, cé go gcaithfidh a bhformhór é sin a dhéanamh trí eagraíocht atá páirteach sa chlár. Bíonn incháilitheacht daoine aonair agus eagraíochtaí ag brath ar an tír ina bhfuil siad lonnaithe.

Roinntear tíortha incháilithe ina dhá ngrúpa, mar atá tíortha atá sa Chlár agus tíortha Comhpháirtíochta. Cé go bhfuil tíortha an Chláir incháilithe le haghaidh na ngníomhaíochtaí go léir in Erasmus+, ní féidir le tíortha Comhpháirtíochta páirt a ghlacadh ach i roinnt díobh, agus iad sin faoi réir coinníollacha sonracha.

Tá tuilleadh eolais maidir le hincháilitheacht ar fáil ar na leathanaigh le haghaidh deiseanna sonracha (le haghaidh daoine aonair agus eagraíochtaí), agus i sa Treoirleabhar.

 

Na Tíortha


Tíortha an Chláir

  • An Ostair
  • An Bheilg
  • An Bhulgáir
  • An Chipir
  • An Chróit
  • Poblacht na Seice
  • An Danmhairg
  • An Eastóin
  • An Fhionlainn
  • An Fhrainc
  • An Ghearmáin
  • An Ghréig
  • An Ungáir
  • Éire
  • An Iodáil
  • An Laitvia
  • An Liotuáin
  • Lucsamburg
  • Málta
  • An Ísiltír
  • An Pholainn
  • An Phortaingéil
  • An Rómáin
  • An tSlóvaic
  • An tSlóivéin
  • An Spáinn
  • An tSualainn
  • An Ríocht Aontaithe
  • Poblacht Iar-Iúgslavach
    na Macadóine
  • An Íoslainn
  • Lichtinstéin
  • An Iorua
  • An Tuirc

Tíortha Comhpháirtíochta

Tíortha comhpháirtíochta atá in aice leis an Aontas Eorpach

  • An Albáin
  • An Bhoisnia agus an Heirseagaivéin
  • An Chosaiv
  • Montainéagró
  • An tSeirbia
  • An Airméin
  • An Asarbaiseáin
  • An Bhealarúis
  • An tSeoirsia
  • An Mholdóiv
  • Críoch na hÚcráine a aithnítear sa dlí idirnáisiúnta
  • An Ailgéir
  • An Éigipt
  • Iosrael
  • An Iordáin
  • An Liobáin
  • An Libia
  • Maracó
  • An Phalaistín
  • An tSiria
  • An Túinéis
  • Críoch na Rúise a aithnítear sa dlí idirnáisiúnta

Tíortha comhpháirtíochta eile

  • Andóra
  • Monacó
  • Poblacht San Mairíne
  • Stát Chathair na Vatacáine
  • An Eilvéis
  • An Afganastáin
  • An Bhanglaidéis
  • An Bhútáin
  • An Chambóid
  • An tSín
  • Daon-Phoblacht Dhaonlathach na Cóiré
  • An India
  • An Indinéis
  • Laos
  • An Mhalaeisia
  • Oileáin Mhaildíve
  • An Mhongóil
  • Maenmar
  • Neipeal
  • An Phacastáin
  • Na hOileáin Fhilipíneacha
  • Srí Lanca
  • An Téalainn agus Vítneam
  • An Chasacstáin
  • An Chirgeastáin
  • An Táidsíceastáin
  • An Tuircméanastáin
  • An Úisbéiceastáin
  • An Airgintín
  • An Bholaiv
  • An Bhrasaíl
  • An tSile
  • An Cholóim
  • Cósta Ríce
  • Cúba
  • Eacuadór
  • An tSalvadóir
  • Guatamala
  • Hondúras
  • Meicsiceo
  • Nicearagua
  • Panama
  • Paragua
  • Peiriú
  • Uragua
  • Veiniséala
  • An Iaráin
  • An Iaráic
  • Poblacht Éimin
  • Poblacht na hAfraice Theas
  • Angóla
  • Antigua agus Barbúda
  • na Bahámaí
  • Barbadós
  • An Bheilís
  • Beinin
  • An Bhotsuáin
  • Buircíne Fasó
  • An Bhurúin
  • Camarún
  • Rinn Verde
  • Poblacht na hAfraice Láir
  • Sead
  • Oileáin Chomóra
  • Poblacht an Chongó
  • Poblacht Dhaonlathach an Chongó
  • Oileáin Cook
  • Djibouti
  • Doiminice
  • An Phoblacht Dhoiminiceach
  • An Ghuine Mheánchiorclach
  • An Eiritré
  • An Aetóip
  • Fidsí
  • An Ghabúin
  • An Ghaimbia
  • Gána
  • Greanáda
  • An Ghuine
  • Poblacht Ghuine Bissau
  • An Ghuáin
  • Háítí
  • An Cósta Eabhair
  • Iamáice
  • An Chéinia
  • Cireabaití
  • Leosóta
  • An Libéir
  • Madagascar
  • Malávach
  • Mailíoch
  • Oileáin Marshall
  • An Mháratáin
  • Oileán Mhuirís
  • Stáit Chónaidhme na Micrinéise
  • Mósaimbíc
  • An Namaib
  • Nárúis
  • Nígireach
  • An Nigéir
  • Niue
  • Oileáin Palau
  • Nua-Ghuine Phapua
  • Ruanda
  • San Críostóir-Nimheas
  • Saint Lucia
  • San Uinseann agus na Greanáidíní
  • Samó
  • São Tomé agus Príncipe
  • An tSeineagáil
  • Na Séiséil
  • Siarra Leon
  • Oileáin Sholomón
  • An tSomáil
  • Deisceart na Súdáine
  • An tSúdáin
  • Suranam
  • An tSuasalainn
  • Poblacht Dhaonlathach Thíomór Thoir
  • An Tansáin
  • Tóga
  • Tongais
  • Oileán na Tríonóide agus Tobága
  • Tuvalu
  • Uganda
  • Vanuatú
  • An tSaimbia
  • An tSiombáib
  • Bairéin
  • Cuáit
  • Óman
  • Catar
  • An Araib Shádach
  • Aontas na nÉimíríochtaí Arabacha
  • Comhlathas na hAstráile
  • Brúiné Darasalám
  • Ceanada
  • Hong Cong
  • An tSeapáin
  • (Poblacht) na Cóiré
  • Macao
  • An Nua-Shéalainn
  • Singeapór
  • An Téaváin
  • Stáit Aontaithe Mheiriceá

Conas a dhéantar é a bhainistiú?

Déanann an Coimisiún Eorpach (comhlacht feidhmiúcháin an Aontais Eorpaigh), an Ghníomhaireacht Feidhmiúcháin Oideachais, Closamhairc agus Cultúir (EACEA), sraith Gníomhaireachtaí Náisiúnta i dtíortha an Chláir, agus sraith Oifigí Náisiúnta i roinnt tíortha Comhpháirtíochta bainistiú ar chlár Erasmus+.

 

An Coimisiún Eorpach

Láimhseálann an Coimisiún Eorpach bainistiú foriomlán an chláir, lena n-áirítear:

  • An buiséad a bhainistiú
  • Na tosaíochtaí a leagan síos
  • Spriocanna agus critéir an chláir a aithint
  • Cur chun feidhme a fhaire agus a threorú
  • Obair leantach agus meastóireacht ar an gclár

an Ghníomhaireacht Feidhmiúcháin Oideachais, Closamhairc agus Cultúir (EACEA) den Choimisiún Eorpach freagrach as gnéithe “láraithe” an chláir a bhainistiú, lena n-áirítear:

  • An clár agus na deiseanna a chur chun cinn
  • Glaonna ar thograí a sheoladh
  • Iarratais ar dheontais a athbhreithniú
  • Tionscadail a chur ar conradh agus monatóireacht a dhéanamh orthu
  • Torthaí a chur in iúl

Déanann an Ghníomhaireacht Feidhmiúcháin Oideachais, Closamhairc agus Cultúir agus an Coimisiún staidéir agus taighde freisin, agus bainistíonn agus maoiníonn siad na comhlachtaí agus na líonraí eile a fhaigheann tacaíocht ó Erasmus+.

Tá eolas mionsonraithe maidir le bainistiú Erasmus+ ar fáil sna Cláir Oibre Bliantúla atá foilsithe ag an gCoimisiún Eorpach.

Na Gníomhaireachtaí Náisiúnta

I dtíortha an Aontais Eorpaigh, fágann an Coimisiún go leor de bhainistiú Erasmus+ faoi na Gníomhaireachtaí Náisiúnta. Taobh amuigh den Aontas Eorpach, agus go sonrach i réimse an ardoideachais, is iad Oifigí Náisiúnta Erasmus+ a chuireann an cúram sin i gcrích.

Cuireann an Coimisiún maoiniú ar fáil do na Gníomhaireachtaí Náisiúnta, agus úsáideann siadsan na cistí sin chun gníomhartha "díláraithe” an chláir a chur i gcrích. Tugann sé sin deis do na Gníomhaireachtaí an clár a chur in oiriúint dá gcórais oideachais, oiliúna, agus óige náisiúnta.

Tá na Gníomhaireachtaí Náisiúnta freagrach as na rudaí seo a leanas:

  • Eolas a thabhairt faoin gclár
  • Athbhreithniú a dhéanamh ar iarratais a chuirtear isteach ina dtír féin
  • Monatóireacht agus measúnú a dhéanamh ar chur chun feidhme an chláir ina dtír féin
  • Tacú le daoine agus le heagraíochtaí a bhíonn páirteach in Erasmus+
  • An clár agus gníomhaíochtaí an chláir a chur chun cinn ar an leibhéal áitiúil agus náisiúnta

Tacaíonn na Gníomhaireachtaí freisin le tairbhithe an chláir ón tráth a dhéanann siad iarratas go dtaga deireadh le tionscadal. Oibríonn siad freisin le tairbhithe agus le heagraíochtaí eile chun tacú le beartas an Aontais Eorpaigh i réimsí a fhaigheann tacaíocht ón gclár.

Oifigí Náisiúnta Erasmus+

Taobh amuigh den Aontas Eorpach, sna tíortha comhpháirtíochta atá rannpháirteach in Erasmus+ i réimse an ardoideachais, is iad Oifigí Náisiúnta Erasmus+ a dhéanann formhór obair na nGníomhaireachtaí Náisiúnta. Is iad na hoifigí sin an pointe fócasach d’aon duine atá ag beartú páirt a ghlacadh in Erasmus+, agus tá siad freagrach as na nithe seo a leanas:

  • Eolas a thabhairt ar an gclár agus cé atá in ann páirt a ghlacadh ann
  • Comhairle agus cúnamh a thabhairt d’iarratasóirí ionchais
  • Monatóireacht a dhéanamh ar thionscadail Erasmus+
  • Tacú le plé beartais, staidéir, agus imeachtaí
  • Teagmhálaithe a choinneáil le saineolaithe agus le húdaráis áitiúla
  • Monatóireacht ar fhorbairtí beartais

Comhlachtaí eile

Tá roinnt eagraíochtaí éagsúla eile a thacaíonn leis an gclár freisin, lena n-áirítear:

Príomhfhigiúirí: Erasmus+ (2014-2020)

 

 

Buiséad iomlán

€14.7 billiún

Ina theannta sin, tá € 1.68 billiún curtha ar fáil le haghaidh gníomhaíochtaí maoinithe le tríú tíortha (tíortha comhpháirtíochta) trí bhuiséad gníomhartha seachtrach an Aontais Eorpaigh.

Deiseanna soghluaisteachta

Níos mó ná 4 mhilliún duine

Ardoideachas

Thart ar 2 mhilliún mac léinn

Mic léinn gairmoideachais agus gairmoiliúna

Thart ar 650,000 mac léinn

Soghluaisteacht foirne

Thart ar 800,000 léachtóir, múinteoir, oiliúnóir, ball foirne oideachais agus oibrí don óige

Scéimeanna malartaithe deonacha agus do dhaoine óga

Breis agus 500,000 duine óg

Scéim ráthaíochta iasachta le haghaidh Máistreachta

Thart ar 200,000 mac léinn

Máistreachtaí Comhpháirteacha

Breis agus 25,000 mac léinn

Comhpháirtíochtaí Straitéiseacha

Thart ar 25,000 comhpháirtíocht a nascann
125 000 scoil, institiúid gairmoideachais agus gairmoiliúna, institiúid ardoideachais agus oideachais aosach, eagraíocht agus fiontar óige

Comhaontais Eolais

Breis is 150 comhaontas a bhunaigh 1500 institiúid agus fiontar ardoideachais

Comhaontais Scileanna Earnála

Breis is 150 comhaontas a bhunaigh 2000 soláthraí agus fiontar gairmoideachais agus gairmoiliúna

Erasmus+ factsheet

An overview of the Erasmus+ programme at a glance.

Erasmus+ factsheet

Download the factsheet

Erasmus+ country factsheets 2014

These factsheets give an overview of 2014, the first year of the Erasmus+ programme, in all 33 Programme countries.

 

Staitisticí

Anseo tá fáil ar na príomhthuarascálacha staitistiúla agus ar an anailís is tábhachtaí faoin gclár Erasmus+ agus faoi na cláir a tháinig roimhe.

 2015

 

An ceann is déanaí (dáta foilsithe: Eanáir 2017)

Clúdaíonn an tuarascáil seo an dara bliain de chur i bhfeidhm Erasmus+, clár an Aontais um oideachas, oiliúint, an óige agus spórt. Tá sé mar sprioc leis an tuarascáil forléargas a thabhairt ar na gníomhaíochtaí go léir atá curtha i bhfeidhm go dtí seo i dtaca le glaonna Erasmus+ 2015, atá beartaithe faoi Chlár Oibre Bliantúil 2015 Erasmus+.

An Clár Erasmus+ – Tuarascáil Bhliantúil 2015

Iarscríbhinn I – Iarscríbhinn na staitisticí

Iarscríbhinn I – Iarscríbhinn na dTionscadal

Blianta beaga anuas

Clúdaíonn an tuarascáil seo an chéad bhliain de chur i bhfeidhm Erasmus+, clár an Aontais um oideachas, oiliúint, an óige agus spórt.

An Clár Erasmus+ – Tuarascáil Bhliantúil 2014 pdf (2.41 Mb)

Iarscríbhinn I – Iarscríbhinn na staitisticí pdf (1.42 Mb)

Iarscríbhinn I – Iarscríbhinn na dTionscadal pdf (594 kB)

In Eanáir 2016, d'fhoilsigh an Coimisiún Eorpach figiúirí maidir leis an mbliain dheireanach (2013/14) de chlár Erasmus, faoinar cumhdaíodh soghluaisteacht san ardoideachas agus tionscadail comhair faoin gClár Foghlama ar feadh an tSaoil a bhí i bhfeidhm(2007-2013).

Erasmus: Fíricí, Figiúirí agus Treochtaí pdf (8.21 Mb)

Erasmus: Fíricí, Figiúirí agus Treochtaí (ríomhleabhar)

Liosta den 500 institiúid ardoideachais is mó a dtéann mic léinn Erasmus chucu pdf (449 kB)

Liosta den 500 institiúid ardoideachais is mó a dtagann mic léinn Erasmus uathu pdf (416 kB)

Leis an Anailís Tionchair Réigiúnach ar chlár Erasmus déantar forbairt ar an Staidéar ar Thionchar Erasmus a foilsíodh in 2014 agus cíortar an t-athrú a dhéanann tréimhse soghluaisteachta Erasmus ar scileanna agus ar dheiseanna fostaíochta mic léinn.

An Staidéar ar Thionchar Erasmus: Anailís Réigiúnach pdf (5.29 Mb)

Achoimre feidhmiúcháin pdf (1.42 Mb)

Na príomhthorthaí i mbeagán focal pdf (5.38 Mb)

Staitisticí roimhe seo

2011–2012 zip (7.74 Mb)

2010-2011 zip (6.07 Mb)

2009–2010 pdf (11.69 Mb) zip (10.14 Mb)

2008–2009 pdf(2.03 Mb) zip (2.67 Mb)

2007-2008 pdf (2.55 Mb) zip (1.14 Mb)

2006–2007 pdf (1,9 Mb) zip (510 kB)

2005–2006 pdf (1.66 Mb) zip (267 kB)

2004-2005 pdf (1.63 Mb) zip (257 kB)

Staitisticí tíortha ón tréimhse 2000–2012 pdf (2.7 Mb) zip (1.16 Mb)

Líonta comhiomlána, sraitheanna ama agus comhar idir ollscoileanna nasc chuig an leabharlann zip (10.49 Mb)

Eolas ar an mbuiséad pdf (1.67 Mb) zip (265 kB)

Dianchúrsa Teanga Erasmus pdf (1.65 Mb) zip (278 kB)

Website feedback

Please note that we can only respond to issues concerning the Erasmus+ website. 

For general questions about Erasmus+, please contact your National AgencyNational Erasmus+ Office, or our helpdesk, EuropeDirect.