AE - Staid an Aontais 2012, óráid Uachtarán an Choimisiúin Barroso

An Coimisiún Eorpach

Uirlisí inrochtaineachta

Uirlisí seirbhíse

Roghnóir teanga

bg
cs
da
de
et
el
en
es
fr
Teanga reathaga
it
lv
lt
hu
mt
nl
pl
pt
ro
sk
sl
fi
sv

Cosán nascleanúna

Ionsar chónaidhm náisiúnstát - 12/09/2012

Maidir leis an AE > Institiúidí an AE

Leathchiorcal Pharlaimint na hEorpa © AE

Ina aitheasc ar Staid an Aontais 2012, mhol an tUachtarán Barroso go mbogfadh an AE ionsar chónaidhm náisiúnstát. Fairis sin, d'fhógair sé treophlean don fhómhar faoin aontas eacnamaíoch agus airgeadaíochta a dhoimhniú.

Ina aitheasc ar Staid an Aontais 2012, d'agair Uachtarán an Choimisiúin José Manuel Barroso go tréan ar son treo nua agus smaointeoireachta nua don Eoraip.

Rinne sé cur síos ar chosán ionsar bhreis aontachta Eorpaí chun an ghéarchéim a shárú agus ceannasacht a chaomhnú sa saol domhandaithe. "Éilíonn an domhandú breis aontachta Eorpaí. Éilíonn breis aontachta breis lánpháirtíochta. Éilíonn breis lánpháirtíochta breis daonlathais," ar seisean. Rinne sé 'beart cinntitheach don Eoraip' a chur os comhair Pharlaimint na hEorpa, beart "a éilíonn fíor-aontas domhain eacnamaíoch, ar bhonn aontais pholaitiúil, a bhaint amach."

Fairis sin, thíolaic sé togra an Choimisiúin ar chomh-mhaoirseacht ar bhainc limistéar an euro mar chloch cora ionsar aontas baincéireachta. Gheobhadh an Banc Ceannais Eorpach cumhachtaí maoirseachta ar na bainc uile chun teipeanna banc a chosc agus taisceoirí a chosaint.

I rith a óráide, rinne Barroso freisin:

argóint ar son spás poiblí Eorpach a fhorbairt

céimeanna ionsar lánpháirtíocht bhreise a imlíniú agus d'iarr sé díospóireacht leathan roimh na toghcháin Eorpacha in 2014.

tagairt do thogra an Choimisiúin do reacht feabhsaithe do na páirtithe polaitiúla Eorpacha agus mhol sé go gcuirfeadh na príomhpháirtithe a n-iarrthóirí féin chun tosaigh do phost an chéad Uachtaráin eile ar an gCoimisiún.

Tig le saoránaigh ceisteanna a chur ar an Uachtarán Barroso faoi Staid an Aontais go dtí 18 Meán Fómhair ar EUtube . Tabharfaidh sé freagra orthu in agallamh beo ar líne an 19 Meán Fómhair ar a 19.00 ALE, agallamh a chraolfar ar líonra is ar shuíomh gréasáin Euronews , ar EUtube , ar leathanach Google+ an Choimisiúin , ar an Eoraip trí Shatailít agus ar shuíomh gréasáin an Uachtaráin .