Uirlisí inrochtaineachta
Uirlisí seirbhíse
Roghnóir teanga
Cosán nascleanúna
Cearrbhachas ar líne: an baol a laghdú - 29/10/2012
Plean nua gníomhaíochta cearrbhachais chun tomhaltóirí a chosaint agus aghaidh a thabhairt ar fhógraíocht ráscánta agus ar chluichí a bhíonn á socrú de dheasca geallchuir.
Tá méadú ar an gcearrbhachas ar líne. Mórghnó is ea cluichí mar phócar, mar shampla – fara casinónna, geallchur ar spórt agus crannchuir. Chuir 6.8 milliún Eorpach geall ar líne in 2011, rud a ghin teacht isteach €9.3 billiún do chuideachtaí cearrbhachais ar líne. Meastar go méadóidh an figiúr sin go €13 billiún faoi 2015.
Is iomaí tír AE a thug isteach rialacha le cearrbhaigh a choimeád slán, ach tá córas éagsúil ag gach tír:
- Chuir an Ghearmáin agus an Ísiltír cosc le cineálacha áirithe cluichí geallchuir ar líne.
- San Fhionlainn, sa Phortaingéil agus sa tSualainn, oibreoir amháin a reáchtálann seirbhísí cearrbhachais ar líne.
- Tá an Danmhairg, an Eastóin, an Fhrainc, an Iodáil is an Spáinn tar éis ceadúnais a thabhairt isteach, ionas go bhféadfaidh breis is cuideachta amháin cearrbhachas ar líne a chur ar fáil.
Is é is cuspóir do gach córas a bheith ina chosaint ar chalaois ag tomhaltóirí, agus grúpaí leochaileacha amhail páistí a chosaint.
Ach ní gá go gcosnódh dlíthe a thíre féin an duine a dhéanann cearrbhachas ar líne. Mar shampla, d'fhéadfadh duine éigin sa Ghearmáin geall a chur trí shuíomh gréasáin sa Ríocht Aontaithe.
Sa deireadh, déanfaidh an Coimisiún sraith moltaí do thíortha AE le tabhairt faoi chluichí a bhíonn á socrú de dheasca geallchuir. Cumhdóidh na moltaí malartú faisnéise, iniúchadh ar ghíomhaíochtaí drochamhrasacha, forálacha maidir le coinbhleacht leasanna a bhunú agus beolínte a bhunú le hiompraíocht dhrochamhrasach a thuairisciú.
Tabharfar tionscnaimh an phlean gníomhaíochta isteach ó 2013 ar aghaidh.
Breis eolas faoi dhlíthe cearrbhachais an AE 
