Cosán nascleanúna

Cuisle na dtomhaltóirí Eorpacha a bhrath - 02/02/2009

Siopaeir ag úsáid scanóra láimhe chun praghsanna a sheiceáil ©EC

Duine as gach triúr Eorpach míshásta le cuideachtaí cumhachta is gáis.

Tá formhór na hEorpach míshásta le seirbhísí bus is traenach a gcathracha, is tá céatadán mór ag gearán faoina gcuideachtaí cumhachta is a mbainc, dar le suirbhé AE. D'fhéadfaí na seirbhísí gutháin líne shocair agus poist a fheabhsú freisin.

Aithníonn dara scórchlár bliantúil tomhaltóirí an AE English na trí réimse – fuinneamh, baincéireacht is iompar cathrach – is mó a chuireann as do thomhaltóirí.

Agus na torthaí á bhfógairt aici, léirigh coimisinéir na dtomhaltóirí Meglena Kuneva imní go bhfuil scór chomh híseal ag trí sheirbhís atá chomh lárnach i saol na ndaoine. D'fhógair sí pleananna chun na cuideachtaí cumhachta a iniúchadh, is cion ard na mbillí aibhléise i mbuiséad an teaghlaigh á lua aici.

Scag an Coimisiún na céadta táirge is seirbhís - ó bhia is éadach go seirbhísí idirlín - os comhair cúig eochair-tháscaire: praghas, gearáin, sástacht, sábháilteacha agus éascaíocht chun soláthróirí a mhalartú. Go ginearálta, is fearr a chruthaigh earraí ná seirbhísí.

Le hiompar sa chathair is timpeall uirthi a bhain formhór na ngearán. Ba lú ná leath a bhí sásta lena mbusanna, a dtraenacha ná a dtramanna. Bhí duine as ceathrar tar éis gearán faoin tseirbhís.

Tá praghsanna ar cheann de na príomhchúiseanna le scór íseal na soláthraithe aibhléise is gáis - is lú ná dhá thrian atá sásta lena soláthraí fuinnimh. Dúirt thart ar 60% gur ardaigh praghsanna, ach ní fhaca ach 3-4% praghsanna ag titim.

Is is gcúrsaí fuinnimh is lú a mhalartaíonn tomholtóirí soláthraithe. Eochair-fhachtóir chun margaí a choimeád iomaíoch is ea an cumas chun malartú.

Fuair an suirbhé difríochtaí móra idir tháillí bainc is rátaí úis ar fud an AE, in ainneoin an chomh-mhargaidh. Is deacair do thomhaltóirí táirgí bainc a chur i gcomparáid, agus is beag duine a mhalartaíonn.

Fairis sin, thaispeáin an tuairisc loiceadh sa trádáil mhiondíola thrasteorann. Níor ardaigh cion na trádala trasteorann ó 2006.

D'fhorbair an tAE an suirbhé mar uirlis chun teacht ar laigí sa chomh-mhargadh. Is leithne scórchlár na bliana seo ná anuraidh, nuair nár clúdaíodh ach trí earnáil.

Tomhaltóirí agus an tAE българскиčeštinadanskDeutscheesti keelελληνικάEnglishespañolfrançaisitalianolatviešu valodalietuvių kalbamagyarMaltiNederlandspolskiportuguêsRomânaslovenčinaslovenščinasuomisvenska.

Choose high-contrast version Set page to normal font size Increase font size by 200 percent Cuir an leathanach seo chuig cara Clóigh an leathanach seo

 

An bhfuair tú an t-eolas a bhí uait?

Fuair Ní bhfuair

Cad a bhí uait?

An bhfuil aon mholtaí agat?

Useful links