Mogħdija tan-navigazzjoni

L-UE tippromwovi programmi biex tgħin l-anzjani jibqgħu attivi fil-komunitajiet tagħhom billi tagħti għarfien lil uħud mill-aħjar inizjattivi.

Varjetà wiesgħa ta' programmi fl-UE kollha jappoġġaw il-persuni anzjani fix-xewqa tagħhom li jibqgħu jikkontribwixxu lis-soċjetà wara li jirtiraw. Dawn jiżguraw li l-komunitajiet ikomplu jibbenefikaw mill-kapaċitajiet u mit-tagħrif li jkunu akkwistaw matul ħajjithom.

Il-Kummissjoni tagħti għarfien lil xi wħud mill-programmi li jispikkaw bl-għoti ta' premjijiet. Ir-rebbieħa ta' din is-sena huma:

  • Il-Proġett Karozza tat-Tiġrija Misjuqa mill-Gravità – l-Iskola Huolin Koulu, il-Finlandja. Studenti ta' 12-il sena u n-nannu Hannu Gustafsson ħadmu flimkien biex bnew karozza tat-tiġrija misjuqa mill-gravità.
  • Bejn Ġenerazzjoni u oħra, JP/Politiken Hus, id-Danimarka – 4 ġurnalisti Daniżi tal-gazzetta Politiken kitbu dwar modi li bihom iż-żgħażagħ u l-anzjani jistgħu jaħdmu flimkien.
  • Anzjan fil-Post tax-Xogħol, Cultfiction Oy, il-Finlandja – serje bi 18-il episodju ta' TV reali fuq l-istazzjoni pubbliku Yle TV1 li juru persuni li jiddeċiedu li ma jirtirawx.
  • Żewġ Ġenerazzjonijiet Flimkien, Typhaine de Penfentenyo, Franza – permezz ta' Ensemble2générations français ta' Typhanie, studenti jgħixu fid-dar ta' persuna anzjana bla ħlas jew b'kera baxxa ħafna, u jpattuhulha billi jgħinuha u jżommulha kumpanija.
  • Għajxien b'Ħajja fit-Tul, Fredericia, id-Danimarka – is-servizzi soċjali lokali jgħinu l-persuni anzjani jibqgħu indipendenti, billi jiffokaw fuq ir-riabilitazzjoni ta' kuljum.
  • Immaniġġjar ta' Persuni b'Etajiet Differenti, Helsingin kaupunki, Henkilöstökeskus, il-Finlandja – jippromwovi forza tax-xogħol b'diversi etajiet billi jiġi involut kulħadd, permezz ta' entitajiet bħaċ-ċentri tal-isport, il-provvedituri tal-kura tas-saħħa u s-servizzi tax-xogħlijiet.

Bruno Põder minn Kersti Skovgaard, l-Estonja ngħata premju individwali bħala għarfien għax-xewqa li jikkontribwixxi lis-soċjetà tiegħu billi jibqa' jaħdem bħala kirurgu sa 80 sena.

Strateġija ta' appoġġ għall-anzjanità attiva

Il-profil tal-età tal-popolazzjoni tal-UE mistenni jinbidel b'mod drammatiku fid-diċennji li ġejjin – kważi terz tal-Ewropej se jkollhom 65 sena jew aktar sal-2060 English .

Ix-xjuħija tal-popolazzjoni tfisser li se jkun hemm ukoll anqas persuni bl-età tax-xogħol – ixxiftjar minn 4 persuni bl-età tax-xogħol għal tnejn biss għal kull pensjonant. Dawn it-tibdiliet demografiċi mistennija li jħallu konsegwenzi sustanzjali fuq il-finanzi pubbliċi fl-UE – pereżempju fuq is-sistemi tal-pensjonijiet u fuq in-nefqa għas-servizzi tal-kura tas-saħħa.

Il-Kummissjoni ħolqot il-premjijiet biex tippromwovi modi li bihom jiġu ffaċċjati l-isfidi tax-xjuħija. Il-programmi għal anzjanità attiva jistgħu jgħinu l-anzjani jsibu opportunitajiet ġodda ta' impjieg, jipparteċipaw fis-soċjetà, u jgħixu b'mod indipendenti għall-aktar żmien possibbli.

Aktar dwar l-istrateġija għall-anzjanità tal-UE

Is-sena Ewropea għal anzjanità attiva 2012

Agħżel kuluri li jikkuntrastaw Ara l-paġna fid-daqs normali tagħha Kabbar id-daqs b'200 fil-mija Ibgħat din il-paġna lil sħabek Stampa din il-paġna

 

Sibt l-informazzjoni li kont qed tfittex?

Iva LE

X'kont qed tfittex?

Għandek xi suġġerimenti?

Links utli