Cosán nascleanúna

Bua na litríochta a aithint ar fud na hEorpa - 30/09/2013

An Coimisinéir Androulla Vassiliou a d'fhógair buaiteoirí Dhuais an AE don Litríocht 2013.

Fógraíodh dáréag údar nua as tíortha fud fad na hEorpa mar bhuaiteoirí ar Dhuais an AE don Litríocht 2013.

Díríonn an comórtas bliantúil seo, atá againn anois don chúigiú bliain as a chéile, aird ar údair úrnua nach bhfaigheadh an t-aitheantas ceart atá ag dul dóibh lasmuigh dá dtír féin b'fhéidir.

Is é is aidhm don chomórtas aird a tharraingt ar chruthaitheacht agus ar éagsúlacht litríocht chomhaimseartha na hEorpa, í a scaipeadh ar fud na hEorpa agus spéis a spreagadh i measc léitheoirí saothair le húdair i dtíortha eile a léamh.

Chomh maith le €5,000 de dhuaiseanna airgid agus leabhair na n-údar a chur ar taispeáint in aonaigh leabhar éagsúla, beidh fáil ag na buaiteoirí ar mhaoiniú lena saothair a aistriú go teangacha eile na hEorpa.

Tá 37 tír ar fud na hEorpa a ghlacann páirt i nDuais an AE don Litríocht. Gach bliain, roghnaíonn painéal moltóirí in aon trian de na tíortha sin na buaiteoirí, sa chaoi is go ndéanfar ionadaíocht ar gach tír thar thréimhse trí bliana.

Seo a leanas buaiteoirí na bliana 2013:

  • Isabelle Wéry (an Bheilg), dá scannán bóthair i bhfoirm úrscéil dar teideal Marilyn Désossée
  • Faruk Šehić (an Bhoisnia agus an Heirseagaivéin) don úrscéal Knjiga o Uni, ina n-insítear faoi bheith ag dul i ngleic le tráma an chogaidh
  • Emilios Solomou (an Chipir) don leabhar Hμερολóγιο μιας απιστίας, a bhaineann leis an saol, le scrios, cuimhne agus grá
  • Kristian Bang Foss (an Danmhairg) don úrscéal Døden kører audi, ina n-insítear faoi thuras bóthair ar fud na hEorpa
  • Meelis Friedenthal (an Eastóin) don leabhar Mesilased, scéal eachtraí mic léinn agus é ag taisteal ón Ísiltír go dtí an Eastóin
  • Katri Lipson (an Fhionlainn) don scéal spraíúil álainn Jäätelökauppias, atá suite i dSeicslóvaic na 1940daí agus 1950daí
  • Lidija Dimkovska (Iar-Phoblacht Iúgslavach na Macadóine) don scéal Резервен Живот, faoin gcoimhlint a bhaineann le hindibhidiúlacht cúpla Shiamaigh
  • Marica Bodrožić (an Ghearmáin) don scéal Kirschholz und alte Gefühle, scéal a bhaineann le ham agus le cuimhne
  • Tullio Forgiarini(Lucsamburg) don scéal Amok – Eng Lëtzebuerger Liebeschronik, faoi thóraíocht déagóra ar ghrá, sonas agus áit i sochaí an lae inniu
  • Ioana Pârvulescu (an Rómáin) don leabhar Viaţa începe vinery, a insíonn faoi thuras álainn difriúil siar san am atá caite
  • Gabriela Babnik (an tSlóivéin) don leabhar Sušna doba, ina n-insítear scéal grá as an ngnách
  • Cristian Crusat (an Spáinn) don bhailiúchán Breve teoría del viaje y el desierto: 6 scéal ina ndéantar iniúchadh ar réimse iomlán thaithí an duine.

Fógraíodh buaiteoirí na bliana seo an 12ú Lá Eorpach na dTeangacha, lá a ndéantar ceiliúradh ar oidhreacht shaibhir teanga na hEorpa agus ar na buntáistí a bhaineann le foghlaim teangacha.

An bhliain seo, inar eagraíodh réimse leathan ócáidí teanga ar fud na hEorpa, cuireadh béim ar an luach a bhaineann le teangacha, ní amháin le post a fháil ach chun cabhrú le daoine bogadh timpeall na hEorpa le dul ag staidéar, ag obair nó chun cónaí.

Duais an AE don Litríocht English

Preaseisiúint - Buaiteoirí Dhuais an AE don Litríocht fógartha българскиčeštinadanskDeutscheesti keelελληνικάEnglishespañolfrançaishrvatskiitalianolatviešu valodaMaltiNederlandspolskiportuguêslietuvių kalbamagyarromânăslovenčinaslovenščinasuomisvenska

Preaseisiúint - Lá Eorpach na dTeangacha

Lá Eorpach na dTeangacha

Duaiseanna bronnta ar an litríocht is fearr san Eoraip

Choose high-contrast version Set page to normal font size Increase font size by 200 percent Cuir an leathanach seo chuig cara Clóigh an leathanach seo

 

An bhfuair tú an t-eolas a bhí uait?

Fuair Ní bhfuair

Cad a bhí uait?

An bhfuil aon mholtaí agat?

Useful links