Cosán nascleanúna

Paitinn Eorpach d'fhonn taighde is nuáil a neartú - 15/04/2011

Lámh agus bolgán á líniú aici © iStockphoto.com/NicolasLoran

Tá paitinn aonair Eorpach á moladh ag an gCoimisiún. Beidh sí bailí i 25 Ballstát, agus laghdóidh sí 80 % na costais a bhíonn ar ghnóthais faoi láthair.

Rothar lena ngabhann cabhair stiúrach nó nasc idirlín go díreach trí phlocóid leictreach: san Aontas Eorpaigh a tháinig na haireagáin sin ar an saol. Má bhíonn cosaint paitinne acu, ní féidir iad a chur i bhfeidhm, a úsáid nó a dhíol gan chead ó shealbhóir na paitinne.

Is daor casta an nós imeachta é chun paitinn a fháil faoi láthair. Nuair a bhronnann Oifig Eorpach na bPaitinní (OEB) í, ní mór gach paitinn a bhailíochtú ansin i ngach Ballstát ina dteastaíonn cosaint ón aireagóir. Fiú gan na foirmiúlachtaí riaracháin a chomhaireamh, baineann costais mhóra aistriúcháin leis an nós imeachta. Chun a aireagán a chosaint ar fud an Aontais uile, ní mór do ghnóthas thart ar € 32 000 a chaitheamh, i gcomparáid le € 1 850 ar an meán sna Stáit Aontaithe.

Chinn 25 Ballstát (an 27 lúide an Spáinn agus an Iodáil) dul ar aghaidh chun paitinn aonair shimplí shaor a chur ar fáil don AE. Is mar thoradh ar an tionscnamh sin atá dhá thogra reachtaíochta á dtíolacadh ag an gCoimisiún Eorpach chun an phaitinn sin a chur ar bun.

Ní bheidh de chostas deiridh ar an gcóras nua measa ar mhaoin intleachtúil seo ach €680 an phaitinn, rud a laghdóidh an costas go mór. Agus timpeallacht níos fábharaí don nuáil á cruthú aici sa tslí sin - rud is riachtanach d'fhás geilleagrach inbhuanaithe - cabhróidh sí chun lucht infheistíochta is lucht taighde a mhealladh chun an AE agus chun an margadh aonair a neartú.

Ar thograí an Choimisiúin tá go háirithe na bearta a leanas:

  • nuair a bhronnfar paitinn, beidh sí bailí uaithí féin sna 25 Ballstát, rud a sheachnóidh nósanna imeachta casta riaracháin agus mórchostais aistriúcháin;
  • féadfar iarratais a chur isteach in aon teanga. Beidh gá fós iad a aistriú go ceann de theangacha an OEB (Béarla, Fraincis nó Gearmáinis), ach aisíocfar na costais aistriúcháin le sealbhóir na paitinne;
  • fad is a bheifear ag fanacht le córas aistriúcháin uathoibrigh, beidh riachtanais maidir le haistriúcháin bhreise ann go sealadach.

Cuireadh na dréacht-rialacháin chuig an gComhairle agus chuig an bParlaimint d'fhonn iad a scrúdú. Tá súil ag an gCoimisiún go gcinnfidh an Spáinn agus an Iodáil bheith rannpháirteach sa phaitinn aonair Eorpach seo lá is sia anonn.

Breis eolais faoi phaitinní san AE DeutschEnglishfrançais

Choose high-contrast version Set page to normal font size Increase font size by 200 percent Cuir an leathanach seo chuig cara Clóigh an leathanach seo

 

An bhfuair tú an t-eolas a bhí uait?

Fuair Ní bhfuair

Cad a bhí uait?

An bhfuil aon mholtaí agat?

Useful links