IL-POLITIKA TAL-KONSUMATUR

Il-mod kif nittrattaw l-ilmenti huwa ħażin - 30.05.2012

Il-gazzetta The Times illum iddikjarat li 'Il-Klassifika tal-Konsumatur" il-ġdida turi li l-konsumaturi Maltin huma l-inqas sodisfatti fost l-Ewropej f'dak li għandu x'jaqsam ma' kif jiġu indirizzati l-ilmenti. L-aħħar klassifika, li ġiet ippubblikata lbieraħ mill-Kummissjoni Ewropea biex tistipula standards għall-progress fir-rigward tad-drittijiet u s-setgħat tal-konsumatur, turi progress fir-riżultati globali tal-2011 meta mqabbla mal-2010. Iżda Malta marret ħażin ħafna f'dak li għandu x'jaqsam ma' kif tittratta l-ilmenti. Huma biss 38 % tal-konsumaturi Maltin li jidhru li huma sodisfatti wara li jkunu lmentaw - 20punt perċentwali inqas mill-medja tal-UE. Skony analiżi ddettaljata tal-klassifika li hija bbażata fuq sondaġġi u d-dejta tal-Eurostat, 70 % tal-konsumaturi Maltin qalu li għandhom fisuċja li l-awtoritajiet isostnulhom id-drittijiet tagħhom bħala konsumaturi, iżda l-fiduċja fil-bejjiegħa hija ħafna inqas, u hija 55 %, jiġifieri 10 punti perċentwali inqas mill-medja tl-UE. Fost il-komponenti ewlenin tal-klassifika - li jinkludu l-kwalità tar-regolamenti, l-effettività ltar-riżoluzzjoni tat-tilwim u l-indirizzar tal-lilmenti, il-fiduċja tal-konsumatur u s-sigurtà tal-prodotti – Malta ġiet ma' tal-aħħar.

Malta Times: Complaints handling is poor page: 7 info: by Ivan Camilleri date: Wednesday, May 30, 2012

L-INTERN

‘L-UE trid twaqqaf il-migrazzjoni illegali’ - 30.05.2012

Il-President George Abela ħeġġeġ lill-UE biex tieħu passi ulterjuri biex tindirizza l-immigrazzjoni illegali mill-Afrika ta' Fuq. Huwa wissa li "L-Afrika ta' għadha ma sssetiljatx, il-qagħda għadha mhijiex stabbli, u dan bla dubju se jaffettwa pajjiżna." Waqt li kien qed jitkellem f'Vilnius, Dr Abela semma li dan l-aħħar għaddiet minn esperjenza ta' influss ta' migranti. F'inqas minn 48 siegħa, ġew salvati 275 ruħ u dan ifisser li l-għadd ta' immigranti li waslu minn Mejju għal 531. "Dan il-fatt biss tefa'pressjoni fuq l-ekonomija Maltija għaliex ma għandniex il-kapaċità amministrattiva li nittrattaw dawn l-immigranti". Il-President qal li jistenna li l-pajjiżi sħabna tal-UE jieħdu aktar rifuġjati biex jgħinu biex jinġarr il-piż, u insista li l-Kummissjoni Ewropea għandha twaqqaf mekkaniżmu permanenti li jittratta din il-kwistjoni.    

Malta Times: ‘EU must stop illegal migration’ page: 3 info: by NA date: Wednesday, May 30, 2012

IS-SAĦĦA

Busuttil irid li Dalli jiċċaqlaq fir-rigward tar-riżoluzzjoni tad-dijabete - 29.05.2012

Il-gazzetta The Malta Independent on Sunday irrappurtat li waqt li kien qed jindirizza konferenza dwar id-dijabete f'Malta, il-MPE Simon Busuttil qal li jrid li l-Kummissarju John Dalli jiċċaqlaq fir-rigward tar-riżoluzzjoni tad-dijabete li adotta l-Parlament Ewropej xahrejn ilu. Dr Busuttil kien ħadem ma' tliet MPE oħra biex ipoġġi l-problema dejjem tikber tad-dijabete fuq l-aġenda Ewropea għal dawn l-aħħar sentejn u nofs u huwa l-co-chairman tal-Grupp ta' Ġidma tad-Dijabete tal-UE tal-Parlament Ewropew u flimkien ma' persuna oħra kiteb ir-riżoluzzjoni kontra d-dijabete, li ġiet adottata mill-PE b'maġġoranza kbira.

Malta Independent: Busuttil wants Dalli to deliver on diabetes resolution page: 4 info: by Francesca Vella date: Tuesday, May 29, 2012 

Malta fuq quddiem fi programm Ewropew tal-infermiera speċjalizzati fil-multiple sclerosis - 29.05.2012

Programm biex jistandardizza l-livell tal-professjoni tal-infermiera tal-multiple sclerosis madwar l-UE kollha qed jiġi ttestjat Malta, li juri l-mod kif il-pajjiż qed ifittex li jmexxi fuq quddiem fit-taħriġ u l-edukazzjoni tal-infermiera speċjalizzati. 'Il fuq minn 20 infermier espert minn madwar l-Ewropa kollha, inklżi erbgħa minn Malta, se jittestjaw l-ewwel u l-uniku programm akkreditat, MS nurse Continuing Medical Education (CME), MS Nurse PROfessional, li fl-aħħar iwassal għal kwalifika professjonali. L-infermiera se jivvalutaw ukoll l-ewwel MS Nurse Consensus Paper, bl-isem Moving Towards the Pan-European Unification and Recognition of MS Nurses.

Malta Independent: Malta spearheads European multiple sclerosis specialist nurse programme page: 11 date: Sunday, May 27, 2012 
Malta Times: Nurses focus on MS sufferers page: 12 date: Saturday, May 26, 2012 

'Il fuq minn 20,000 Malti qed jieħdu sehem fil-kampanja Ewropea kontra t-tipjip - 29.05.2012

L-Orizzont tirrapporta li b'iktar minn 650,000 mewt qabel il-waqt fis-sena kkważati mit-tipjip, inizjattiva tas-saħħa pubblika li tnediet is-sena li għaddiet, li permezz tagħha t-tipjip huwa pprojbit fil-playing fields ta' Malta, hija pass importanti fid-direzzjoni tal-protezzjoni tat-tfal mill-ħsara tat-tipjip passiv. F'attività f'Ħaż-Żebbuġ il-Kummissarju Ewropew għas-Saħħa u l-Politika tal-Konsumatur John Dalli qal li kien kuntent bir-reazzjoni li kien hemm sal-lum u enfasizza s-suċċess tal-kampanja 'Min jaqta' s-sigaretti ma jwaqqfu ħadd'.

Malta Independent: Another positive step page: 11 date: Tuesday, May 29, 2012
L-Orizzont: Over 20,000 Maltese engage in European campaign against smoking page: 10 date: Saturday, May 26, 2012

TAXXA

Malta għandha t-tieni l-ogħla taxxa korporattiva fl-UE u taxxa personali baxxa  - 29.05.2012

Skont ċifri ta' din il-ġimgħa tal-Eurostat, Malta għandha t-tieni l-ogħla taxxa korporattiva fl-UE ta' 35%. L-ogħla rati statutorji fuq id-dħul korporattiv tal-2012 huma reġistrati fi Franza u huma 36.1%. Madankollu, Malta għandha sistema tat-taxxa personali baxxa ħafna u ġie nnutat ukoll li r-rata medja ta' taxxa personali fl-UE 27 żdiedet fl-2012 bl-Isvezja li għandha l-ogħla rata ta' 56.6%.

Malta Independent: Malta has second highest corporate tax in EU and low personal tax page: 8 date: Sunday, May 27, 2012