Kooperazzjoni mal-gvernijiet tal-UE

Il-Kummissjoni Ewropea għandha grupp ta' esperti dwar it-tagħlim bikri tal-lingwi qabel l-iskola primarja li:

jaqsam informazzjoni dwar is-sitwazzjoni f'pajjiżi differenti, u eżempji tal-aħjar prattika
Ifassal rakkomandazzjonijiet ta' politika u linji gwida dwar l-implimentazzjoni tal-politika tat-tagħlim bikri tal-lingwi.

Kwistjonijiet diskussi mill-grupp

kif il-politiki dwar it-tagħlim bikri tal-lingwi l-aħjar jitfasslu u jiġu implimentati
il-proċessi ta' kif jiġu mgħallma: pereżempju attivitajiet li jqajmu interess biex iżidu l-kurżità tat-tfal; immersjoni totali fil-lingwa mira
il-kapaċitajiet tal-għalliema: mill-kapaċitajiet pedagoġiċi għal-livell tal-għarfien tal-lingwa
kif tidirizza l-isfond differenti tat-tfal: pereżempju tivvalorizza l-potezjal lingwistiku tat-tfal minn sfond minoritarju jew migranti:
ir-rwol tal-ġenituri: tinvolvihom fl-attivitajiet tat-tagħlim tal-lingwi speċjalment meta l-lingwa mira tkun il-lingwa tagħhom.

Ir-riżultati tal-ħidma u d-diskussjonijiet tal-grupp se jkunu ppubblikati f'Manwal tal-Politika [169 KB] f'2011.

Koordinazzjoni volontarja tal-politika mill-gvernijiet

Il-grupp ta' ħidma nħoloq bħala parti mill-"metodu miftuħ ta' koordinazzjoni".

Dan il-metodu jippermetti li l-Kummissjoni taħdem flimkien mal-gvernijiet tal-UE f'oqsma li huma taħt kontroll nazzjonali, bħall-impjiegi, il-benessri, l-inklużjoni soċjali, l-edukazzjoni, iż-żgħażagħ u t-taħriġ. Dan hu bbażat fuq:

għanijiet identifikati flimkien (adottati mill-Kunsill tal-UE)
jkriterji miftiehma flimkien (statistika, indikaturi, linjigwida)
valutazzjoni komparattiva, jiġifieri it-tqabbil tar-rendiment fil-pajjiżi differenti tal-UE u l-qsim tal-aħjar prattika (sorveljat mill-Kummissjoni).