Eolas fúinn
Ard-Stiúrthóireacht an Cheartais de chuid an Choimisiúin Eorpaigh
Tá na beartais um cheartas, cearta bunúsacha agus saoránacht bunaithe ar na luachanna agus ar na prionsabail is mó a bhfuil meas ag pobal na hEorpa orthu, is é sin, daonlathas, saoirse, caoinfhulaingt agus riail an dlí.
San Eoraip, mar atá sí i gcorp an lae inniu, tá na milliúin saoránach gafa i ngnóthaí trasteorann - ina saol príobháideach nó de bharr a gcuid oibre, staidéir nó mar thomhaltóirí.
Léiríonn bunú Ard-Stiúrthóireacht an Cheartais na deiseanna nua a tháinig chun cinn de bharr Chonradh Liospóin, feabhas a chur ar ghnáthshaol na saoránach san AE.
Cuirimid réitigh phraiticiúla ar fáil maidir le fadhbanna trasteorann, i dtreo go mbeidh na saoránaigh ar a suaimhneas maidir le maireachtáil, taisteal agus obair i mBallstát eile agus go mbeidh muinín acu go bhfuil a gcearta arna gcosaint, is cuma cén áit san Aontas Eorpach a bhfuil siad.
Eagrú na hArd-Stiúrthóireachta um Cheartas
Cuireadh an Ard-Stiúrthóireacht um Cheartas ar bun ar an 1 Iúil 2010 mar thoradh ar an Ard-Stiúrthóireacht um Cheartas, Saoirse agus Slándáil a bhí ann roimhe seo a roinnt ina dhá Ard-Stiúrthóireacht faoi leith.
Ag an am céanna chuaigh Francoise Le Bail 
, Ardstiúrthóir nua na hAS um Cheartas i mbun oifige.
Clár na mór:
Tá ceithre stiúrthóireacht san Ard-Stiúrthóireacht - Ceartas Sibhialta, Ceartas Coiriúil, Cearta Bunúsacha agus Saoránacht an Aontais, agus Comhionannas.
|
Ardstiúrthóireacht um Cheartas |
|---|
Gníomhaireachtaí gaolmhara
EMCDDA
An Lárionad Monatóireachta Eorpach um Dhrugaí agus Andúil i nDrugaí, Liospóin. Is ceann de ghníomhaireachtaí díláraithe an AE é seo a bunaíodh chun forbhreathnú fíorasach ar fhadhbanna drugaí chomh maith le bunús fianaise iontaofa a thabhairt don AE agus dá bhallstáit chun tacú leis an bplé ar dhrugaí.
Eurojust
Aonad an AE um Chomhar Breithiúnach, An Háig. Eagraíocht le haghaidh Comhair Bhreithiúnaigh a cuireadh ar bun mar chabhair chun sábháilteacht a thabhairt i limistéar na saoirse, na slándála agus an cheartais.
FRA
Gníomhaireacht an Aontais Eorpaigh um Chearta Bunúsacha, Vín. Eagraíocht chomhairleach de chuid an Aontais Eorpaigh.
EIGE
An Institiúid Eorpach um Chomhionannas Inscne, Vilnius. Gníomhaireacht Eorpach a thacaíonn le hobair atá ar bun ag rialtais an AE agus institiúidí an AE sa réimse seo.