Mogħdija tan-navigazzjoni

It-Tabakk

Introduzzjoni

Mewt bikrija

It-tabakk hu l-ikbar riskju tas-saħħa li jista' jiġi evitat fl-UE, u hu responsabbli għal 700,000 mewta bikrija kull sena. Madwar 50% ta' dawk li jpejpu jmutu qabel iż-żmien (fuq medja, 14-il sena iktar kmieni).

Saħħa ħażina

Barra dan, dawk li jpejpu jkollhom iktar snin b'saħħa ħażina. Ħafna kanċers, mard kardjuvaskulari u respiratorju hu relatat mal-użu tat-tabakk, li jikkawża aktar problemi mill-alkoħol, id-drogi, il-pressjoni għolja, il-piż żejjed jew il-kolesterol.

Ir-rati tat-tipjip għadhom għoljin

Minkejja l-progress konsiderevoli, l-għadd ta' dawk li jpejpu fl-UE għadu għoli – 28% tal-popolazzjoni u wkoll 29% taż-żgħażagħ Ewropej bejn 15-24 sena.

Prijoritajiet politiċi

Peress li t-tabakk iwassal għall-vizzju u 94% ta' dawk li jpejpu jibdew qabel ma jagħlqu l-25 sena, il-politika għandha tiffoka fuq il-prevenzjoni fost iż-żgħażagħ.

Għanijiet oħrajn huma l-għajnuna lil dawk li jpejpu biex iwaqqfu t-tipjip, u l-protezzjoni tal-persuni mill-esponiment għat-tipjip tal-oħrajn. L-attivitajiet ewlenin huma miżuri leġiżlattivi u kampanji ta' informazzjoni.

Ir-reviżjoni tad-Direttiva dwar il-Prodotti tat-Tabakk Agħżel it-traduzzjonijiet mil-link ta' qabel English (en)  

Għajnuna biex in-nies jieqfu jpejpu (jew ma jibdew qatt)

Fis-16 ta' Ġunju 2011, il-Kummissjoni nidiet kampanja ġdida, Dawk li jaqtgħu t-tipjip ma jżommhom xejn, biex tinkoraġġixxi liż-żgħażagħ ta' bejn il-25 u l-34 sena jieqfu jpejpu. Il-kampanja ċċaqlaq il-fokus minn fuq il-perikli tat-tipjip għall-vantaġġi li wieħed jieqaf ipejjep, permezz ta' nies li qatgħu t-tipjip u l-kisbiet tagħhom, bħala l-mudelli li jispiraw. Għodda innovattiva, l-iCoach, hija magħmula biex tgħin lil min ipejjep jieqaf.

Il-kampanja preċedenti "HELP - Għal ħajja mingħajr tabakk", li saret bejn l-2005 u l-2010, iffukat fuq il-prevenzjoni mit-tipjip, il-waqfien mit-tipjip, u t-tipjip passiv, biż-żgħażagħ Ewropej ta' bejn il-15 u l-25 sena fil-mira.