It-tabakk huwa spiss ikkwotat bħala għażla personali tal ħajja li għalhekk m'għandu jkun hemm ebda intervent regolatorju. Fil-fatt, it-tabakk huwa wieħed mill-erba’ fatturi ta’ riskju li jwassal għal mard kroniku, illum responsabbli għal 63% tal-imwiet kollha fid-dinja. TIdher ħaġa stramba iżda n-nies ikomplu jpejpu; fil-fatt l-Ewrobarometru ppubblikat mill-Kummissjoni Ewropea llum, juri li kważi wieħed minn kull tliet żgħażagħ fl-UE jpejpu. Barra minn hekk impressjonanti li 70% ta' dawk li jpejpu u dawk li waqfu jpejpu bdew ipejpu qabel l-età ta’18-il sena. Dan huwa għaliex is-sensibilizzazzjoni minn età bikrija hija importanti u għal dik ir-raġuni l-Kummissjoni Ewropea mexxiet kampanji ta' għarfien dwar it-tabakk bħala element importanti tal-politika tat-tabakk tagħha.
"Dawk li jaqgħtu it-tipjip ma jżommhom xejn" hija l-iktar kampanja riċenti tal-UE biex tgħin lil min ipejjep jaqta' l-vizzju permezz ta' pariri prattiċi u għodod li jippermettulhom li jibqgħu ħielsa mit-tipjip. Permezz tal-promozzjoni fl-istampa, fil-midja diġitali u soċjali, il-kampanja laħqet aktar minn 300 miljun Ewropew s’issa.
Billi l-kampanja timmira lil żgħażagħ ta' bejn il-25 u l-35 sena, hija adattata għal realtà tagħhom. Billi kwalunkwe Ewropew ta' dik l-età huwa konxju mir-riskji tat-tipjip għal saħħtu, hemm bżonn strateġija pożittivi biex jaqta' t-tipjip, li tispjega d-diversi benefiċċji għaż-żgħażagħ li jirnexxielhom jeħilsu mid-dipendenza tagħhom, u tipprovdihom b'għodda fl-ambjent li huma mdorrijin bih, bħal onlajn, u midja diġitali u soċjali.
Icoach huwa l-għodda li tipprovdi għajnuna prattika – s'issa 170,000 Ewropew użawha. Hija innovattiva billi tadatta għall-bżonnijiet tal-utent, kemm jekk ipejjep kif ukoll jekk kien ipejjep u ma jridx jerġa' jibda. Hija interattiva u ovvjament bla ħlas.
Fl-okkażjoni tal-Jum Dinji Mingħajr Tabakk ta' din is-sena il-Kummissjoni Ewropea qed żżid l-isforzi tagħha iktar billi tniedi fażi ġdida tal-kampanja, inkluż l-ewwel karta dwar il-waqfien mit-tipjip matul it-titjira b'suġġerimenti dwar il-waqfien mit-tipjip. L-idea hija biex dak l-aħħar sigarett li wieħed ipejjep qabel id-dħul l-ajruport għal titjira, isir l-aħħar sigarett – il-mezz tal-libertà mid-droga, il-bidu ta' vjaġġ għal ħajja mingħajr tabakk, b'saħħitha u għalhekk aktar kuntenta.
Fi stima konservattiva, it-tabakk joqtol iktar minn 695,000 ruħ kull sena fl-UE. It-tipjip għadu l-akbar kawża ta' mewt u mard li jista' jiġi evitat fl-Ewropa. Minħabba dan matul l-aħħar 10 snin l-UE uriet konsistentement tmexxija qawwija fil-kontroll tat-tabakk globali. Issa nafu li dan iwieġeb ukoll għall-aspettattivi taċ-ċittadini tagħna: L-Ewrobarometru ppubblikat din il-ġimgħa juri li l-maġġoranza kbira taċ-ċittadini tal-UE jilqgħu miżuri aktar qawwija għall-kontroll tat-tabakk.
Nittamaw li l-kampanja tagħna tagħti riżultati billi ġġib bidla reali fl-għadd ta' dawk li jpejpu madwar l-UE. Matul iż-żminijiet diffiċli attwali, ilkoll għandna bżonn bidla pożittiva; Dan huwa l-għan u l-ispirtu tal-kampanja "Dawk li jaqgħtu it-tipjip ma jżommhom xejn".