Il-Kummissjoni Ewropea
Il-mogħdija tiegħek għal informazzjoni li tista' tafdaha dwar is-saħħa pubblika

Għodod għall-aċċessibilità

Għodod tas-servizz

Selettur tal-lingwa

In-Nisa

In-nisa u l-irġiel jippreżentaw tendenzi differenti fejn jidħol mard, esponiment għad-determinanti tas-saħħa u l-aċċess għas-servizzi tas-saħħa. Dan hu minħabba d-differenzi bioloġiċi bejn in-nisa u l-irġiel u r-rwol soċjali tagħhom. Fl-Ewropa, in-nisa jgħixu medja ta' 6 snin aktar mill-irġiel. Madankollu, ħafna minn dawn is-snin jgħixuhom b'limitazzjoni moderata jew serja fl-attivitajiet tagħhom.

L-aktar kawża frekwenti tal-mewt fl-Ewropa - kemm għan-nisa kif ukoll għall-irġiel - huwa l-mard tal-qalb u warajh jiġi l-kanċer. L-inċidenza u l-prevalenza ta' ċertu mard, bħall-kanċer tas-sider, l-osteoporożi u t-tendenzi problematiċi tal-ikel, huma għola fost in-nisa. Jeżisti mard ieħor li jaffettwa l-irġiel u n-nisa b'mod differenti. Per eżempju, l-inċidenza tal-kanċer tal-pulmun huwa aktar għoli fost l-irġiel, imma qed jiżdied bil-ħeffa fost in-nisa minħabba iż-żieda fil-pejjiepa. Ċertu mard li huwa speċifikament relatat mal-organi reproduttivi, bħall-endometriosis u l-kanċer ċervikali, jaffettwa lin-nisa biss.

L-UE tenfasizza l-importanza li nqajjmu l-għarfien dwar ir-relazzjoni bejn is-sess u s-saħħa u tappoġġa lill-Istati Membri tagħha fil-ġbir ta' tagħrif komparabbli u relevanti u fl-indirizzar ta' inugwaljanzi fis-saħħa permezz tal-promozzjoni tas-saħħa skont is-sess, l-identifikazzjoni bikrija u l-kura.

Websajts ta' min jafdahom dwar "In-Nisa"

Temi dwar is-saħħa: Minn A sa Z

Dwar

X’inhu l-Portal tas-Saħħa ta’ l-UE u min hu l-Awtur tiegħu?

Id- Direttorat Ġeneral tas-Saħħa u l-Konsumatur għandu l-pjaċir jippreżenta l-Portal ta' l-UE dwar is-Saħħa (il-portal uffiċjali ta’ l-UE dwar is-saħħa pubblika) li jwassallek firxa wiesgħa ta’ informazzjoni u dejta dwar kwistjonijiet u attivitajiet marbuta mas-saħħa kemm fl-Ewropa kif ukoll fid-dinja.L-għan ewlieni ta’ dan il-Portal tematiku huwa li jipprovdi liċ-ċittadini Ewropej aċċess faċli għal informazzjoni komprensiva dwar inizjattivi u programmi marbuta mas-Saħħa Pubblika fil-livell ta’ l-UE.Il-portal huwa maħsub biex jgħin fil-kisba ta' l-għanijiet ta' l-UE fil-qasam tas-Saħħa Pubblika. Għandu jservi ta’ mezz importanti biex titwassal influwenza pożittiva li tħeġġeġ li kull ma jmur is-saħħa pubblika fil-27 Stat Membru ta' l-UE titjieb u li tinkoraġġixxi lil dak li jkun biex iġib ruħu b’mod li jtejjeb l-istat ta’ saħħtu.

Il-Kummissjoni Ewropea waqqfet Bord Editorjali li għandu jsegwi politika editorjali bbażata fuq l-aqwa parir ta' l-esperti tal-membri u skond il-kriterji ta' kwalità stipulati taħt il-linjigwida ta' EUROPA. Dan għandu jkopri l-kriterji ta' kwalità, lingwa u l-fluss tax-xogħol operattiv tal-Portal.

Għal min huwa mmirat il-Portal

Il-Portal ta' l-UE dwar is-Saħħa huwa mmirat lejn dawk li jixtiequ jżommu rwieħhom infurmati dwar il-kwistjonijiet li jaffettwawlhom saħħithom, u lejn dawk li jixtiequ jkunu aġġornati mal-politiki u d-deċiżjonijiet meħuda fil-livell ta' l-UE u dawk nazzjonali u internazzjonali.Dan il-Portal huwa wkoll sors importanti ta' informazzjoni għall-professjonisti, l-amministrazzjonijiet, dawk li jfasslu l-politika u l-partijiet kollha interessati fil-qasam tas-saħħa.Fl-istess waqt huwa aċċessibbli għal kulħadd, inklużi l-anzjani u l-persuni li għandhom xi forma ta' diżabbiltà, billi jsegwi r-regoli rikonoxxuti internazzjonalment dwar l-aċċessibbiltà.Lill-utenti esperti, il-Portal jipprovdilhom ukoll aċċess għad-dejtabejżis statistiċi konnessi mas-saħħa pubblika.

Għanijiet

Il-qarrejja jistgħu jaċċessaw bla difikultà l-informazzjoni li għandhom bżonn permezz ta’ struttura tematika sempliċi li tippreżenta l-aspetti konnessi mas-saħħa li jolqtu lil dak li jkun u l-ambjent tiegħu.

Kull tema twassal għas-subtemi konnessi magħha – per eżempju L-Istil ta’ Ħajti twassal għas-sezzjoni dwar in-Nutriment – fejn wieħed isib firxa komprensiva ta’ informazzjoni u links għall-politiki u l-ativitajiet ta’ l-Unjoni Ewropea.Il-politiki nazzjonali dwar kull suġġett jistgħu jinstabu fis-sezzjoni dedikata għall-Istati Membri.Hemm disponibbli wkoll f’sezzjoni apposta informazzjoni dwar il-kontributi ta’ l-Organizzazzjonijiet Mhux Governattivi Ewropej u l-Organizzazzjonijiet Internazzjonali għall-benefiċċju ta’ l-iżvilupp ta’ kwistjonijiet ta’ saħħa pubblika. Meta jkunu disponibbli, il-links diretti jieħdu ’l-qarrej minnufih fil-paġna dwar is-suġġett meħtieġ.

Is-sezzjonijiet dedikati għall-Aħbarijiet, l-Avvenimenti tematiċi ewlenin li jkunu qed iseħħu madwar l-Ewropa u l-Istqarrijiet għall-Istampa jżommu lil dak li jkun aġġornat u jagħtuh l-opportunità li jinvolvi ruħu f'deċiżjonijiet u avvenimenti ewlenin fil-qasam tas-saħħa fil-livelli nazzjonali, trans-fruntierjali u internazzjonali.

Il-Portal joffri wkoll l-atti Leġiżlattivi adottati mill-Istituzzjonijiet Komunitarji, u l-Pubblikazzjonijiet ta’ l-UE, biex b'hekk jipprovdi aċċess faċli għall-għanijiet ta' l-Unjoni Ewropea u l-mezzi li din tapplika sabiex tilħaqhom.

Il-Kummissjoni Ewropea hija responsabbli waħedha għall-informazzjoni li tinsab fil-websajts fuq il-livell ta' l-UE, l-informazzjoni li tinsab fil-Portal u dik li tkun oriġinat mill-Kummissjoni stess.L-informazzjoni fil-livell nazzjonali tiġi pprovduta mill-Istati Membri inkwistjoni u l-Istati Membri huma responsabbli waħedhom għall-preċiżjoni tat-tali informazzjoni.Bl-istess mod, il-Kummissjoni Ewropea mhijiex responsabbli għall-informazzjoni dwar il-websajts ta’ l-organizzazzjonijiet mhux governattivi u dawk internazzjonali.Il-Kummissjoni Ewropea hadet l-impenn tal-privatezza ta' l-utent.Aqra aktar dwar l- Avviż Legali ...

Mistoqsijiet oħra jistgħu jitwieġbu permezz ta’ l- FAQs jew il-paġna Ikkuntattjana .
Il-portal tas-saħħa jappoġġa prinċipji u miżuri biex titkattar il-kredibilità ta’ l-informazzjoni fuq l-internet.

In-Nisa

Websajts ta' min jafdahom dwar "In-Nisa"

newsletter elettronika

Temi dwar is-saħħa: Minn A sa Z