Inizjattiva Ewropea favur it-Trasparenza
Iċ-ċittadini Ewropej għandhom dritt ikunu jafu kif jintefqu flushom. Wieħed mill-għanijiet tal-Inizjattiva Ewropea għat-Trasparenza hu li l-informazzjoni dwar min jirċieivi l-finanzjament tal-UE tkun aċċessibbli għall-pubbliku.
Il-Fond Ewropew għas-Sajd (FES) u l-predeċessur tiegħu, l-Istrument Finanzjarju għall-Gwida tas-Sajd (SFGS), huma ġestiti mill-awtoritajiet nazzjonali taħt is-sistema magħrufa bħala "ġestjoni maqsuma". Kull sena, il-pajjiżi li jirċievu dan il-finanzjament għandhom jippubblikaw tal-anqas din l-informazzjoni:
- l-ismijiet tal-benefiċjarji li ngħataw l-għajnuna mill-FES jew l-SFGS wara l-1 ta' Mejju 2007
- l-isem tal-operazzjoni li qed tiġi ffinanzjata
- l-ammont ta' finanzjament pubbliku allokat għal dik l-operazzjoni.
Avviż importanti
Fid-9 ta' Novembru 2010, il-Qorti tal-Ġustizzja tal-UE ordnat (fil-każijiet konġunti C-92/09 u C-93/09) li l-ismijiet tal-benefiċjarji ta' fondi tal-UE li huma persuni fiżiċi ma għandhomx jiġu ppubblikati.
Għalhekk il-listi tal-benefiċjarji ppubblikati fil-websajts nazzjonali mhumiex se jinkludu aktar l-ismijiet ta' individwi. Il-Kummissjoni qed taħdem fuq l-emendi legali neċessarji biex tikkonforma ma' din l-ordni.