AA+A++Verżjoni għall-printerMappa tas-sitRSSRSS

Ħarsa fuq fuq lejn l-istrateġija Ewropa 2020

Ewropa 2020 hija l-istrateġija ta’ għaxar snin tal-Unjoni Ewropea għat-tkabbir ekonomiku u l-impjiegi li tnediet fl-2010. Mhijiex hemm sempliċement biex tegħleb il-kriżi li l-ekonomiji tagħna bħalissa qed jirkupraw bil-mod il-mod. Hija maħsuba wkoll biex tindirizza n-nuqqasijiet tal-mudell tagħna dwar it-tkabbir u l-ħolqien ta' kondizzjonijiet għal tkabbir għaqli, sostenibbli u inklużiv.

Ġew stipulati ħames għanijiet ewlenin li l-UE għandha tilħaq sa tmiem l-2020. Dawn ikopru x-xogħol; ir-riċerka u l-iżvilupp; il-klima/l-enerġija; l-edukazzjoni; l-inklużjoni soċjali u tnaqqis tal-faqar.

L-għanijiet tal-istrateġija huma appoġġjati wkoll minn seba' ‘inizjattivi prominenti’ biex jipprovdu qafas li permezz tiegħu l-UE u l-awtoritajiet nazzjonali jsaħħu l-isforzi tagħhom f'oqsma li jappoġġaw il-prijoritajiet ta' Ewropa 2020 bħall-innovazzjoni, l-ekonomija diġitali, ix-xogħol, iż-żgħażagħ, il-politika industrijali, il-faqar, u l-effiċjenza tar-riżorsi.

Għodda oħra tal-UE bħalma huma s-suq uniku Ewropew, il-baġit tal-UE u l-aġenda esterna tal-UE jikkontribwixxu wkoll għall-ksib tal-għanijiet tal-istrateġija Ewropa 2020.

L-istrateġija Ewropa 2020 hi implimentata u monitorjata fil-kuntest tas-Semestru Ewropew, iċ-ċiklu ta' kull sena tal-koordinazzjoni tal-politiki ekonomiċi u baġitarji.

F’Marzu 2014, il-Kummissjoni ppubblikat Komunikazzjoni li tqis l-Istrateġija Ewropa 2020, erba’ snin wara t-tnedija. F’Mejju 2014, tnediet konsultazzjoni pubblika li kkontribwiet għar-reviżjoni ta’ nofs it-terminu tal-istrateġija Ewropa 2020 u hija aċċessibbli hawn. Il-konsultazzjoni se tibqa' għaddejja sal-31 ta' Ottubru 2014.

 

Komunikazzjoni "Nevalwaw l-istrateġija Ewropa 2020 pdf - 129 KB [129 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) hrvatski (hr) italiano (it) latviešu valoda (lv) lietuvių kalba (lt) magyar (hu) Nederlands (nl) polski (pl) português (pt) română (ro) slovenčina (sk) slovenščina (sl) suomi (fi) svenska (sv) "

Annessi pdf - 889 KB [889 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) hrvatski (hr) italiano (it) latviešu valoda (lv) lietuvių kalba (lt) magyar (hu) Nederlands (nl) polski (pl) português (pt) română (ro) slovenčina (sk) slovenščina (sl) suomi (fi) svenska (sv)

Nota ta’ analiżi English


Ara wkoll:

 

It-tarf ta’ fuq tal-paġna