Mogħdija tan-navigazzjoni

Prospett ekonomiku Ewropew

Prospett ekonomiku Ewropew

Il-Previżjonijiet Ekonomiċi Ewropej jiġu ppubblikati tliet darbiet fis-sena flimkien maċ-ċiklu annwali tal-UE dwar il-proċeduri ta' sorveljanza ekonomika, magħruf bħala s-Semestru Ewropew.

L-ekonomija Ewropea issa dieħla fir-raba' sena ta' rkupru tagħha u t-tkabbir ekonomiku qed ikompli b'rata moderata, immexxi l-iktar mill-konsum. Fl-istess ħin, il-biċċa l-kbira tal-ekonomija tad-dinja qed tissielet ma' sfidi ewlenin u r-riskji għat-tkabbir ekonomiku Ewropew għalhekk qed jiżdiedu.

Il-previżjonijiet tal-Kummissjoni għax-xitwa juru li l-prospett tat-tkabbir ġenerali ftit li xejn inbidel mill-ħarifa li għaddiet iżda li r-riskju li t-tkabbir ikun agħar minn dak previst żdied, l-iktar minħaba r-riżultat ta' fatturi esterni. Fiż-żona tal-euro, it-tkabbir ekonomiku hu projettat li jiżdied għal 1.7% din is-sena minn 1.6% s-sena li għaddiet, u li jilħaq 1.9% fl-2017. It-tkabbir ekonomiku tal-UE hu previst li jibqa' stabbli għal 1.9% din is-sena u li jiżdied għal 2.0% s-sena d-dieħla.

Ċerti fatturi li jappoġġjaw it-tkabbir ekonomiku issa huma mistennija jkunu aktar qawwijin u jdumu aktar milli kien assumat qabel. Dawn jinkludu prezzijiet taż-żejt baxxi, kundizzjonijiet ta' finanzjament favorevoli u r-rata tal-kambju baxxa tal-euro. Fl-istess ħin, ir-riskji għall-ekonomija qed isiru iktar evidenti u qed jitfaċċaw sfidi ġodda: tkabbir ekonomiku kajman fiċ-Ċina u f'ekonomiji emerġenti oħra, kummerċ globali dgħajjef kif ukoll inċertezza ġeopolitika u relatata mal-politika.

Għodod addizzjonali

  • Verżjoni stampata 
  • Ċekken it-test 
  • Kabbar it-test