Cosán nascleanúna

Print versionDecrease textIncrease textSubscribe to our RSS Feed
DG Interpretation Conference Video Portal
DG Interpretation Conference Streaming Portal
EU careersTREATY of Lisboneurope directItalian Presidency 2014
DG Interpretation

Craolachán gréasáin ilteangach i dteannta comhrá idirlín

Is minic a bhíonn roinnt uirlisí meán le chéile i gcomhdhálacha fíorúla. Is gnách d'AS Ateangaireacht teaglaim de na cinn seo a leanas a chur ar fáil:

  • "Craolachán gréasáin" lena gcumasaítear do dhaoine atá suite in ionad eile an chomhdháil a leanúint in aon cheann de na teangacha a gcuirtear ateangaireacht chomhuaineach ar fáil ina leith;
  • Seisiún idirghníomhach "comhrá" idirlín. Is féidir le cian-rannpháirtithe ceisteanna nó ráitis a chló isteach ina dteanga féin. Más ábhar spéise ginearálta an freagra, cuirtear ar aghaidh é chuig an bplé painéil le linn an tseisiúin ceisteanna agus freagraí; léifear amach é (agus aistreofar é) sa seomra cruinnithe agus gheobhaidh cian-rannpháirtithe an freagra tríd an sreabhadh gréasáin. Más ceist an-teicniúil í do cheist, nach ábhar spéise i gcoitinne, freagróidh meitheal saineolaithe tú go díreach ar an líne chomhrá (scríofa).

Comhdhálacha fíorúla

Sampla de chomhdháil fhíorúil

Eagraíonn an Coimisiún Eorpach "lá caibidlíochta" do rannpháirtithe ionchasacha i gcomhair glao le haghaidh tairisceana nó glao le haghaidh tograí.

Soláthraítear faisnéis i dtaobh conas freagairt trí shreabhadh gréasáin. Déanann foireann de chuid an Choimisiúin Eorpaigh sa Bhruiséil cuir i láthair agus úsáidtear sleamhnáin chun faisnéis iomchuí a mhíniú. Is féidir do thairgeoirí, agus iad ag leanúint an tsreafa ar a ríomhaire atá i gceangal leis an Idirlíon ina dtír féin, ceisteanna a chur trí líne chomhrá; freagraíonn oifigigh na ceisteanna (tar éis na hateangaireachta, má sholáthraítear í) in imeacht cúpla nóiméad trí chraolachán gréasáin.

Sampla eile de chomhdháil fhíorúil: Comhdháil eolaíochta

Eagraíonn an Coimisiún Eorpach comhdháil sa Bhruiséil nó in áit eile san Eoraip in ionad comhdhála. Is féidir 400 duine a chur isteach sa seomra comhdhála ach tá suim ag líon is mó ná sin éisteacht leis an gcomhdháil ar fad nó le cur i láthair sonrach agus ceisteanna a chur.

Féadfaidh rannpháirtithe, nár éirigh leo suíochán a fháil nó taisteal go dtí an chomhdháil, an imeacht go léir a leanúint a dhéantar a shreabhadh beo agus féadfaidh siad sleamhnáin a fheiceáil faoi mar a bheidís sa seomra. Féadfaidh siad éisteacht in aon cheann de na teangacha a gcuirtear ateangaireacht chomhuaineach ar fáil ina leith sa seomra. Féadfaidh "rannpháirtithe fíorúla" ceisteanna a chur trí líne chomhrá nó díreach an comhrá a leanúint; freagraíonn foireann de chuid an Choimisiúin Eorpaigh na ceisteanna a eascraíonn as an gcomhrá i scríbhinn nó, más ábhar spéise i gcoitinne iad, tríd an gcraolachán gréasáin le linn an tseisiúin ceisteanna agus freagraí.

Comhdhálacha fíorúla

 

 

Conas a ghlacaim páirt?

Chun páirt a ghlacadh i gcomhdháil fhíorúil, beidh ort clárú:

  • leis an gcraolachán gréasáin agus
  • leis an gcomhrá.

Is gnách na nascanna a thabhairt ar an leathanach fógráin céanna. I gcás roinnt imeachtaí a bhfuil an rannpháirtíocht iontu srianta, cuirtear na nascanna ar aghaidh le ríomhphost nó is gá pasfhocal chun rochtain a fháil ar an leathanach sreafa.

Mar shampla den tslí is féidir an teicneolaíocht sin a úsáid, féadfaidh tú féachaint ar na saoráidí fíorúla laistigh den Tionscnamh ManagEnergyexternal link, atá forbartha ag an Ard-Stiúrthóireacht um Fhuinneamh agus Iompar sa Choimisiún Eorpach.

Chun faisnéis níos mionsonraithe a fháil, cuir teachtaireacht chuig scic-newtech@ec.europa.euexternal link