Mogħdija tan-navigazzjoni

Print versionDecrease textIncrease textSubscribe to our RSS Feed
DG Interpretation Conference Video Portal
DG Interpretation Conference Streaming Portal
EU careersTREATY of Lisboneurope directItalian Presidency 2014
DG Interpretation

Tippresjedi laqgħa bl-interpretazzjoni b'suċċess

Kull tim ta’ interpreti jiġi assenjat b’kap tat-tim. Hu jew hi jikkuntattjawk qabel il-bidu tal-laqgħa biex jikkonfermaw il-lingwi disponibbli u jispjegaw fil-qosor informazzjoni relevanti oħra dwar il-kundizzjonijiet tax-xogħol u l-iskeda tal-ħinijiet.

  • Meta tibda l-proċedimenti, jekk jogħġbok għid liema lingwi jistgħu jitkellmu l-kelliema u liema lingwi jistgħu jisimgħu. Ipprova agħti xi indikazzjoni ta’ l-iskeda tal-ħin għall-ġurnata u semmi fil-qosor il-pjanijiet għall-aġenda.
  • F’ċertu każi, għandek mnejn issibha utli li tagħti ġabra fil-qosor ħafna ta’ l-isfond ħafna fil-bidu ta’ kull punt u ġabra fil-qosor ċkejkna oħra fl-aħħar tgħin ukoll biex jiġu ċċarati l-konklużjonijiet u tiffranka l-ħin aktar tard.
  • Wara kull kelliem, ħu pawża zgħira qabel ma' tgħaddi l-mikrofonu lid-delegat li jkun imiss peress li jista' jkun li l-interpretazzjoni ta' xi lingwi jkunu ħarira tard, dan speċjalment f'laqgħat b'numru kbir ta' lingwi.
  • Id-dokumenti/aġenda ġeneralment ikunu pprovduti fil-kabini ta’ l-interpreti, imma jekk ikun hemm xi dokumenti ġodda li jiġu ppreżentati waqt il-laqgħa, jekk jogħġbok ipprova kun żgur li l-interpreti jkollhom kopja qabel ma tiddiskutihom.
  • Jekk jogħġbok ftakar li titlob lid-delegati jitfu t-telefon ċellulari tagħhom u biex iżommu l-headphones ‘l bogħod mill-mikrofonu meta jkunu ħa jitkellmu sabiex jevitaw l-interferenzi fis-sistema ta’ l-awdjo.
  • Id-DĠ Interpretazzjoni ħejja suġġerimenti ġenerali għall-kelliema li għandek mnejn tkun tixtieq tistampa pdf - 213 KB [213 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) italiano (it) latviešu valoda (lv) lietuvių kalba (lt) Nederlands (nl) polski (pl) português (pt) slovenčina (sk) suomi (fi) svenska (sv) u tqassam waqt il-laqgħa.

Għal raġunijiet ta’ tmexxija tajba ta' l-istaff kif ukoll għal kwalità tajba tas-servizz u għall-welfare individwali, irid ikun hemm ċerti regoli. Bin-numru ta’ laqgħat involuti jrid ikun hemm limitu fil-ħin għall-biċċa l-kbira tal-laqgħat, imma jekk ikun avżat minn qabel, id-DĠ Interpretazzjoni jista' jipprovdi interpreti għal laqgħat fit-tard.

Informazzjoni bażika dwar is-sigħat tax-xogħol:

  • Is-sessjoni ta’ filgħodu ma tistax taqbeż l-4 sigħat mill-ħin uffiċjali tal-bidu. (Jekk jogħġbok innota : Jekk ikun maħsub li l-laqgħa tiegħek issir biss filgħodu, jista' jagħti l-każ li ma tkunx tista' ddum aktar mis-13.00 peress li l-interpreti għal-laqgħa ta’ nofs jum tiegħek jistgħu jkunu mistennija għal laqgħa oħra fis-14.30.)
  • Il-waqfa għall-ikel trid tkun twila mill-anqas 90 minuta. (L-interpreti jridu jieklu, jekk jista’ jkun jieħdu ftit arja friska u ħafna drabi jbiddlu l-post jekk ikunu jridu jmorru għal xi laqgħa oħra wara nofsinhar).
  • Il-laqgħat kollha jridu jispiċċaw fis-18.30 sakemm ma jkunx ġie avżat minn qabel id-DĠ Interpretazzjoni.
  • Madankollu, l-ebda tim ta’ interpreti m'hu suppost jaħdem aktar minn 10 sigħat kuljum.

Fl-aħħarnett, il-feedback ta’ kwalunkwe tip normalment ikun apprezzat ħafna. Jekk jogħġbok toqgħodx lura milli tikkuntattja lil kap tat-tim jew lill-interpreti jekk ikollok xi mistoqsijiet jew tixtieq tgħinna nużaw it-termini speċjalizzati t-tajbin. Id-DĠ Interpretazzjoni jispera li l-indikazzjonijiet t’hawn fuq jgħinu biex il-laqgħa tiegħek timxi tajjeb.