Cosán nascleanúna

Print versionDecrease textIncrease textSubscribe to our RSS Feed
DG Interpretation Conference Video Portal
DG Interpretation Conference Streaming Portal
EU careersTREATY of Lisboneurope directItalian Presidency 2014
DG Interpretation

Teaglaim teangacha an ateangaire comhdhála

I bhformhór na gcásanna, oibríonn ateangairí comhdhála óna dteangacha éighníomhacha i dtreo a dteanga dúchais. Is í an teanga dhúchais an teanga ghníomhach atá acu agus uaireanta tugtar teanga A uirthi.

Tá cumas sármhaith ag ateangairí áirithe i dteanga nach í a dteanga dhúchais í agus is féidir leo oibriú i dtreo na teanga sin as ceann amháin nó níos mó de na teangacha eile atá acu. Tá an dara teanga ghníomhach acusan. Deirtear gur retour atá ar siúl ag ateangaire ar féidir leis nó léi oibriú ón teanga dhúchais i dtreo teanga gníomhaí eile. Roinnt ateangairí a bhfuil teanga retour acu, ní dhéanann siad ach ateangaireacht iaruaineach seachas ateangaireacht chomhuaineach i dtreo na teanga sin.

Tá líon beag ateangairí ann ar féidir leo oibriú ó na teangacha go léir atá acu go dtí an dara teanga ghníomhach. Deirtear gurb í an dara both iomlán atá ar siúl acusan. Tá líon ateangairí is lú fós ann a bhfuil níos mó ná dhá theanga ghníomhacha acu.

Séard is teangacha éighníomhacha ann ná teangacha a thuigeann an t-ateangaire go hiomlán agus ar minice a labhraíonn sé nó sí iad ná teangacha eile go pointe ach nach labhraíonn sé nó sí iad minic go leor chun oibriú ina dtreo.

Seo a leanas na mínitheexternal link a úsáideann an AIIC, cumann idirnáisiúnta na n-ateangairí comhdhála:

Teangacha gníomhacha:

A : Teanga dhúchais an ateangaire (nó teanga eile atá coibhéiseach le teanga dhúchais go docht), a n-oibríonn an t-ateangaire ina treo ó na teangacha eile go léir atá aige nó aici ar an dá mhodh ateangaireachta, comhuaineach agus iaruaineach. Ní mór teanga 'A' amháin ar a laghad a bheith ag gach comhalta ach d'fhéadfadh níos mó ná ceann amháin a bheith acu.

B : Teanga seachas teanga dhúchais an ateangaire, a bhfuil máistreacht iomlán aige nó aici uirthi agus a n-oibríonn sé nó sí ina treo ó cheann amháin nó níos mó de na teangacha eile atá aige nó aici. Tá roinnt ateangairí ann nach n-oibríonn i dtreo teanga 'B' ach amháin ar mhodh amháin de na modhanna ateangaireachta.

Teangacha éighníomhacha:

C : Teangacha a bhfuil tuiscint iomlán ag an ateangaire orthu agus as a n-oibríonn sé nó sí.