Ordni Legali - Liġi Internazzjonali

L-Istati huma s-suġġetti tal-liġi internazzjonali

Is-sorsi tal-liġi internazzjonali huma t-trattati, il-konvenzjonijiet u l-ftehimiet iffirmati mill-Istati jew f’ċerti każijiet minn organizzazzjonijiet internazzjonali.

Il-Komunità Ewropea nfisha tista’ tiffirma t-trattati li jkunu ġew innegozjati mill-Kummissjoni. Is-setgħa li tagħmel hekk tingħatalha espliċitament mit-trattati, per eżempju fil-politika tal-kummerċ, jew bis-sentenzi tal-Qorti tal-Ġustizzja tal-Komunitajiet Ewropej. Il-Qorti tenniet li kulfejn il-liġi tal-Komunità tagħti lill-istituzzjonijiet tal-Komunità s-setgħat biex jaħdmu internament biex jintlaħaq għan speċifiku, dawn ikollhom is-setgħa li jiffirmaw ftehimiet internazzjonali biex jinkiseb dak l-għan.

It-trattati internazzjonali jorbtu fl-intier tagħhom lill-Istati u lill-organizzazzjonijiet internazzjonali, li huma s-suġġetti reali tal-liġi internazzjonali. Iżda dawn jista’ jkollhom effett ukoll fuq individwi kif ukoll fuq il-kumpaniji.

Hemm diversi tweġibiet għad-domanda jekk il-liġi internazzjonali hix sistema legali fiha nfisha u, jekk inhu hekk, kif din għandha tiġi inkorporata fil-liġi nazzjonali biex tħalli l-effetti tagħha.

Ċerti Stati Membri adottaw teorija unitarja, li biha l-liġi internazzjonali ssir parti diretta mis-sistema legali lokali; oħrajn ippreferew it-teorija duwalista, li biha l-liġi internazzjonali u dik lokali jkunu żewġ sistemi legali separati u awtonomi. Fl-aħħar każ, il-liġi internazzjonali għandha tiġi inkorporata fis-sistema legali lokali permezz ta’ liġi.

Int tista’ ssib aktar informazzjoni dwar dan billi tikklikkja fuq il-bnadar ta’ l-Istati Membri.

L-organizzazzjonijiet internazzjonali ewlenin li jaħdmu fuq il-liġi internazzjonali privata huma l-Kunsill ta’ l-Ewropa  -  -  -  -  -  -  -  -  -  -  -  -  -  -  -  -  -  u l-Konferenza ta’ l-Aja dwar il-Liġi Internazzjonali Privata  - .

« Ordni Legali - Informazzjoni Ġenerali | Liġi Internazzjonali - Informazzjoni Ġenerali »

Fuq

L-aħħar aġġornament: 18-12-2006