Navigation path

Leathanach baile Teagmháil Léarscáil an tsuímh

Faoi thionscnamh na saoránach

Aimsigh tionscnamh

Tionscnamh a eagrú

Breis eolais

  • RSS
Bogearraí atá forbartha ag an gCoimisiún do chórais bailithe ar líne

Chun cabhrú le heagraithe a gcóras bailithe ar líne a thógáil, d'fhorbair an Coimisiún bogearraí foinse oscailte.

Tá na feidhmiúlachtaí bunúsacha uile ag na bogearraí sin a theastaíonn chun ráitis tacaíochta a bhailiú ar líne ar fhoirmeacha atá i gcomhréir leis an Rialachán maidir leis an tionscnamh ó na saoránaigh, chun sonraí a stóráil go slán agus chun sonraí a easpórtáil chuig na húdaráis náisiúnta inniúla. Tá na bogearraí i gcomhréir leis na treoirlínte maidir le hinrochtaineacht ábhair ar an ngréasán (leagan 2.0) agus cinntíonn siad nach féidir na ráitis tacaíochta chéanna a chur isteach faoi dhó.

Is furasta iad a chumrú d'aon tionscnamh beartaithe ó na saoránaigh óir cuireann siad ar chumas na n-eagraithe an t-eolas ábhartha uile faoina dtionscnamh a uaslódáil ón gcuntas d'eagraithe ar an suíomh gréasáin seo.

Tá fáil ar na bogearraí saor in aisce.

Cad atá ann go díreach?

Is é atá sna bogearraí comhéadan poiblí agus comhéadan riaracháin:

Cuireann an mód as líne ar chumas na n-eagraithe an córas a ullmhú agus a thástáil roimh thosú ag bailiú ráiteas ar líne. Is féidir le heagraithe na bogearraí a thástáil sa mhód seo sula n-iarrfaidh siad a dtionscnamh beartaithe a chlárú leis an gCoimisiún. Cuireann an mód sin ar chumas na n-eagraithe freisin a gcóras a ullmhú d'fhonn a n-iarratas ar dheimhniú a chur chuig an údarás náisiúnta inniúil. Chun an mód ar líne a chasadh air agus tosú ag bailiú ráiteas ar líne, ní mór do na heagraithe deimhniú comhréireachta a gcórais a uaslódáil agus dearbhú a bheith faighte go bhfuil a dtionscnamh beartaithe cláraithe.

Tá eolas mionsonraithe le fáil sa Lámhleabhar úsáideora a théann leis na bogearraí.

Cén buntáiste atá ann na bogearraí sin a úsáid?

Eagraithe a bhfuil fúthu ráitis tacaíochta a bhailiú ar líne, ní mór dóibh córas bailithe ar líne a thógáil i gcomhréir leis na sonraíochtaí teicniúla atá leagtha síos i Rialachán Cur Chun Feidhme (AE) Uimh. 1179/2011 ón gCoimisiún.

Ní mór dóibh a iarraidh ar na húdaráis náisiúnta inniúla an córas a dheimhniú sula dtosóidh siad ar ráitis tacaíochta a bhailiú ar líne agus fíoróidh na húdaráis náisiúnta inniúla má tá an córas i gcomhréir leis na sonraíochtaí teicniúla.

Chun an córas a thógáil, is féidir leis na heagraithe na bogearraí a d'fhorbair an Coimisiún nó bogearraí eile is fearr leo féin a úsáid.

Comhlíonann bogearraí an Choimisiúin na ceanglais ábhartha slándála agus theicniúla, i.e. pointí 1, 2.3 go 2.7.2, 2.7.3 (a), (b), (d), (f), (h), 2.7.4, 2.7.5, 2.7.7 (b), (c), 2.7.8, 2.7.10, 2.12, 2.14, 3.1, 3.2, agus codanna de phointí 2.7.3 (c), (e), 2.7.7 (a), (d), 2.8 go 2.11, 2.13 agus 3.3 atá san Iarscríbhinn a ghabhann le Rialachán (AE) Uimh. 1179/2011. Dá bhrí sin, má úsáidtear bogearraí an Choimisiúin, ní gá ach a chinntiú go bhfuil na gnéithe eile den chóras (m.sh. an timpeallacht óstála nó an próiseas gnó) i gcomhréir leis na sonraíochtaí teicniúla ábhartha (Pointí 2.1, 2.2, 2.7.3 (g), 2.7.6, 2.7.9, 2.15 go 2.20.2, 3.4, agus codanna de phointí 2.7.3 (c), (e), 2.7.7 (a), (d), 2.8 go 2.11, 2.13 agus 3.3 atá san Iarscríbhinn a ghabhann le Rialachán (AE) Uimh. 1179/2011).
Fágann sin gur fusa an próiseas deimhniúcháin.

Le breis eolais a fháil, féach Ceisteanna Coitianta.

Cén áit is féidir na bogearraí a d'fhorbair an Coimisiún a íoslódáil?

Is féidir an pacáiste bogearraí a íoslódáil ó JoinUp.

Tá na doiciméid ábhartha uile le fáil freisin sa roinn "e-Library"; tá an Lámhleabhar úsáideora agus na treoirlínte maidir le suiteáil le fáil ansin mar shampla.

Chun na bogearraí a thástáil, gan iad a shuiteáil, féach an "leagan samplach" de na bogearraí nó úsáid an tInneal Fíorúil agus lean na treoracha a thugtar duit.