F’dan il-kapitolu tista’ ssib informazzjoni dwar:

L-evoluzzjoni tat-tekniki u l-metodi kif ukoll l-iżvilupp ta’ regoli ġodda fil-biedja organika u fl-ipproċessar organiku tista’ teħtieġ emendi tal-istandard organiku tal-UE wara evalwazzjoni dovuta.

Livell għoli ta’ speċjalizzazzjoni huwa meħtieġ għal dan l-eżerċizzju kumpless u li jieħu ħafna ħin ta’ evalwazzjoni u aġġornament sistematiku tal-istandard.

Sabiex twettaq din l-attività, il-Kummissjoni tista’ teħtieġ parir tekniku; fil-passat, dan kien jiġi provdut minn gruppi ta’ esperti ad-hoc li kienu jaħdmu fuq bażi temporanja (ara t-taqsima rakkomandazzjonijiet ta’ grupp ta’ esperti ad-hoc).

Sabiex dan ix-xogħol jiġi razzjonalizzat, l-Azzjoni n. 11 tal-Pjan ta’ Azzjoni Ewropew għall-ikel u l-biedja organiċi jipprevedi t-twaqqif ta’ grupp ta’ esperti għal parir tekniku fil-qasam tal-produzzjoni organika.

Id-Deċiżjoni tal-Kummissjoni 2009/427/KE, li tistabbilixxi l-grupp ta’ esperti għal pariri tekniċi fuq il-produzzjoni organika, hi l-ewwel pass lejn l-implimentazzjoni tal-Azzjoni 11 tal-Pjan ta’ Azzjoni Ewropew għall-ikel u l-agrikoltura organiċi. Stadji ulterjuri jinkludu l-pubblikazzjoni ta’ sejħa għal applikazzjonijiet sabiex jintagħżlu l-esperti rilevanti, segwiti bil-ħatra tal-esperti u t-twaqqif tal-lista komuni (ara s-sezzjoni aħbarijiet).

Il-grupp ta’ esperti għandu jiżgura aċċess faċli u sistematiku għal għarfien espert tekniku u kkwalifikat sew f’firxa wiesgħa ta’ oqsma relatati mal-produzzjoni organika. B’mod partikolari, il-grupp għandu wkoll jagħti parir tekniku indipendenti, eċċellenti u trasparenti lill-Kummissjoni.

• DEĊIŻJONI TAL-KUMMISSJONI tat-28 ta’ Settembru 2010
  

• Documents are available on the English website (en)

• Ġurnal Uffiċjali tal-Unjoni Ewropea (verżjoni PDF)
• Dokumenti tal--applikazzjoni/formoli b’format PDF
  
• Dokumenti tal-applikazzjoni/formoli b’format WORD
  
• Il-Curriculum Vitae Europass (CV)

• Suġġerimenti mill-Grupp ta' Esperti Indipendenti fuq id-“Dispożizzjonijiet għall-Ħmira Organika” Laqgħa fi Brussell, 10-11 ta' Lulju 2008
• Suġġerimenti mill-Grupp ta' Esperti Indipendenti fuq l-“Applikazzjoni għal Aġenti Koloranti għall-Qxur tal-Bajd Organiku tal-Għid”. Laqgħa fi Brussell, 9-10 ta' Lulju 2008
• Suġġerimenti mill-Grupp ta' Esperti Indipendenti fuq l-“Adittivi tal-Ikel u Għajnunijiet għall-Ipproċessar Permessi fl-Ipproċessar tal-Ikel Organiku li Joriġina minn Pjanti u Bhejjem”. Laqgħa fi Brussell, 4-5 ta' Lulju 2007

Evalwazzjoni ta' Sustanzi li jridu jiġu Awtorizzati biex Jintużaw fil-Biedja Organika

• Rapport tal-Grupp tal-Esperti maħtur apposta fuq il-Pestiċidi fil-Produzzjoni tal-Ikel Organiku. Laqgħa fi Brussell, 22–23 ta' Jannar

• Grupp ta’ esperti maħtura apposta dwar "Użu ta’ ċerti adittivi fl-għalf tal-ħut u ta’ sustanzi tat-tindif fl-akwakultura organika" Laqgħa fi Brussell, 19 - 20 ta’ Novembru 2008 (en)